Ask SRK / KKRના આ પ્લેયરને ટાર્ગેટ કરી સોશિયલ મીડિયામાં કોમેન્ટનો મારો, ભડકી ઉઠ્યો કિંગખાન, કહ્યું તે બાપ છે, બાળક નહીં

• શાહરૂખ ખાન ઘણા સમયથી ટ્વિટર પર ફિલ્મોનું પ્રમોશન કરી રહ્યા છે
• કિંગ ખાને ટ્વિટર પર આસ્ક SRK સેશન ચલાવ્યું 
• રિંકૂ સિંહ બાબતે આપ્યો મજેદાર જવાબ

બોલીવુડના કિંગ શાહરૂખ ખાન ઘણા સમયથી ટ્વિટર પર પોતાની ફિલ્મોનું પ્રમોશન કરી રહ્યા છે. પઠાનની રિલીઝ સમયે પણ આ પ્રકારે કર્યું હતું. શાહરૂખ ખાન તેમની ફિલ્મ ‘જવાન’ રિલીઝ થાય તે પહેલા પ્રમોશન કરવા લાગ્યા છે. કિંગ ખાને ટ્વિટર પર આસ્ક SRK સેશન ચલાવ્યું છે. આ દરમિયાન તેમણે કોલકત્તા નાઈટ રાઈડર્સના ખેલાડી રિંકૂ સિંહ બાબતે દમદાર ટ્વિટ કર્યું છે. 

Ask SRk સેશન દરમિયાન શ્રેયસ આર્યન નામના એક યૂઝરે શાહરૂખ ખાનને સવાલ કર્યો છે કે, ‘KKRના બાળક રિંકૂ સિંહ માટે એક શબ્દ’. તેમણે આ ટ્વિટનો જવાબ આપ્યો છે કે, ‘રિંકૂ બાપ હૈ, બચ્ચા નહીં હૈ’.

ટ્વિટને જબરદસ્ત રિસ્પોન્સ મળ્યો
શાહરૂખ ખાનના આ ટ્વિટ પર જબરદસ્ત રિએક્શન મળી રહ્યા છે. આ ટ્વિટ પર બે હજારથી વધુ વાર રિટ્વિટ કર્યું છે અને 10 લાખ ઈંપ્રેશન જોવા મળી છે. 600થી વધુ લોકોએ આ ટ્વિટ પર કમેન્ટ કરી છે અને 17 હજારથી વધુ લાઈક્સ મળી છે. તમને જણાવી દઈએ કે, રિંકૂ સિંહ શાહરૂખ ખાનની ટીમ KKRના મહત્ત્વપૂર્ણ સભ્ય છે. તેઓ ઘણા સમયથી આ ટીમ સાથે જોડાયેલ છે. આ સીઝનમાં રિંકૂ સિંહે છેલ્લા પાંચ બોલ પર પાંચ છગ્ગા ફટકારીને ટીમને જીત અપાવી હતી અને ઐતિહાસિક ઈનિંગ રમીને લોકોનું દિલ જીતી લીધુ હતું. 

શાહરૂખ ખાનની ફિલ્મ ‘જવાન’ ક્યારે રિલીઝ થશે
શાહરૂખ ખાનની ફિલ્મ ‘જવાન’ની વાત કરવામાં આવે તો તેઓ છેલ્લે ફિલ્મ ‘પઠાન’માં જોવા મળ્યા હતા અને આ ફિલ્મ બ્લોકબસ્ટર સાબિત થઈ હતી. શાહરૂખ ખાન હવે ફિલ્મ ‘જવાન’માં જોવા મળશે. આ ફિલ્મનું નિર્દેશન સાઉથના ડાયરેક્ટર એટલીએ કર્યું છે. આ ફિલ્મમાં શાહરૂખ ખાનની સાથે અભિનેત્રી નયનતારા પણ જોવા મળશે. સપ્ટેમ્બર 2023માં શાહરૂખ ખાનની ફિલ્મ ‘જવાન’ સિનેમાઘરમાં રિલીઝ થશે.