Jawan / શાહરુખ ખાનની ફિલ્મ 'જવાન' ની રિલીઝ ડેટમાં થશે બદલાવ, સામે આવ્યું મોટુ અપડેટ

• જવાનની રિલીઝ ડેટમાં બદલાવ કરવામાં આવી શકે છે
• ફિલ્મ જવાનના મેકર્સ તરફથી આ મામલે કોઈ અપડેટ સામે આવ્યું નથી
• જવાનને લઈ ખૂબ જ ઉત્સાહિત છે કિંગ ખાનના ચાહકો

બોલીવૂડના બાદશાહ શાહરુખ ખાનની આગામી ફિલ્મ જવાનને લઈ તમામ લોકો ઉત્સાહીત છે. ફિલ્મ પઠાણની ખૂબ જ શાનદાર સફળતા બાદ ચાહકો જવાનની આતુરતાથી રાહ જોઈ રહ્યા છે. ત્યારે સાઉથ સિનેમાના દિગ્ગજ ડાયરેક્ટર એટલીના ડાયરેક્શનમાં બનેલી ફિલ્મ જવાનને લઈ એક મોટુ અપડેટ સામે આવ્યું છે. જેન લઈ ફિલ્મ જવાનની રિલીઝ ડેટને લઈ મોટી જાણકારી સામે આવી છે.

જવાનની રિલીઝ ડેટને લઈ બદલાવ

ગત વર્ષે જૂન મહિનામાં કિંગ ખાન શાહરુખે પોતાની આગામી ફિલ્મ જવાનનું ટીઝર રિલીઝ કર્યું હતું. ત્યારબાદ દરેક લોકો જવાનને લઈ ખૂબ જ ઉત્સાહિત છે. હવે સમાચાર છે કે જવાનની રિલીઝ ડેટમાં બદલાવ કરવામાં આવી શકે છે. જાણીતા ફિલ્મ ક્રિટિક્સ સુમિત કડેલએ પોતાના ઓફિશિયલ ઈન્સ્ટાગ્રામ પર લેટેસ્ટ પોસ્ટ શેર કરી છે. સુમિતની આ પોસ્ટ શાહરુખ ખાનની ફિલ્મ જવાનને લઈને છે. આ પોસ્ટમાં સુમિત કડેલે જાણકારી આપી છે કે શાહરુખ ખાનની ફિલ્મ જવાનની રિલીઝ ડેટમાં બદલાવ કરવામાં આવી શકે છે. 

ચાહકો આ ફિલ્મ જોવા માટે આતુર
આ સાથે જ હવે જવાન આગામી  2 જૂન 2023 ના થિયેટરમાં રિલીઝ થશે. ફિલ્મ જવાનના મેકર્સ તરફથી આ મામલે કોઈ અપડેટ સામે આવ્યું નથી. ફિલ્મની રિલીઝ ડેટને લઈને પણ કોઈ જાણકારી સામે આવી નથી.દરેક લોકો શાહરૂખ ખાનની ફિલ્મ 'જવાન'ની રાહ જોઈ રહ્યા છે. શાહરૂખ ખાન સાઉથ સિનેમાના સુપરસ્ટાર વિજય સેતુપતિ સાથે પહેલીવાર 'જવાન'માં જોવા મળશે.  સાઉથ સિનેમાની દિગ્ગજ અભિનેત્રી નયનતારા પણ 'જવાન'માં શાહરૂખ ખાન સાથે જોવા મળશે.