- હરમનપ્રીત કૌરની વિકેટ મેચનો ટર્નિંગ પોઈન્ટ
- હરમનપ્રીત કૌરના રન આઉટે એમએસ ધોનીની યાદ અપાવી
- વીરેન્દ્ર સેહવાગે શેર કરી તસવીર
આઇસીસી વુમન્સ ટી-20 વર્લ્ડ કપ 2023માં ભારતને ઓસ્ટ્રેલીયા સામે 5 રનથી હારનો સામનો કરવો પડ્યો હતો. જણાવી દઈએ કે કેપટાઉનમાં રમાયેલી મેચમાં ઓસ્ટ્રેલિયાએ ભારતીય ટીમ સામે 173 રનના ટાર્ગેટ મળ્યો હતો જએની સામે નિર્ધારિત ઓવરમાં આઠ વિકેટે ટીમ ઈન્ડિયા 167 રન જ બનાવી શકી હતી. આ હાર સાથે જ ટીમ ઈન્ડિયાનું ફરી એકવાર વર્લ્ડ ટાઈટલ જીતવાનું સપનું તૂટી ગયું હતું. નોંધનીય છે કે ભારતની આ હાર બાદ હવે ઓસ્ટ્રેલિયન ટીમ ફાઈનલ મેચમાં સાઉથ આફ્રિકા અથવા ઈંગ્લેન્ડ સામે ટકરાશે.
હરમનપ્રીત કૌરની વિકેટ મેચનો ટર્નિંગ પોઈન્ટ
ગઇકાલની એ મેચમાં ટીમ ઈન્ડિયા એક સમયે જીત તરફ આગળ વધી રહી હતી પણ કેપ્ટન હરમનપ્રીત કૌરના એ રનઆઉટે મેચને પલટી નાખી હતી. જણાવી દઈએ કે ભારતીય ઇનિંગ્સની 15મી ઓવરમાં કેપ્ટન હરમનપ્રીત બીજો રન લેવા માટે દોડી પણ સમયસર પંહોચી શકી નહતી અને આઉટ થઈ હતી. મહત્વનું છે કે જ્યારે હરમનપ્રીત રમી રહી હતી એ સમયે ભારતને 33 બોલમાં માત્ર 41 રનની જરૂર હતી પણ તેની વિકેટ પડી એ મેચનો ટર્નિંગ પોઈન્ટ હતો.
હરમનપ્રીત કૌરના રન આઉટે એમએસ ધોનીની યાદ અપાવી
હરમનપ્રીત કૌરના રન આઉટથી ક્રિકેટ ફેન્સને પૂર્વ કેપ્ટન એમએસ ધોનીની યાદ આવી ગઈ હતી. જણાવી દઈએ કે એમએસ ધોની ન્યુઝીલેન્ડ સામે 2019 વર્લ્ડ કપ સેમિફાઇનલમાં રનઆઉટ થયા હતા. એ સમયે ટીમ ઈન્ડિયા 240 રનના લક્ષ્યનો પીછો કરી રહ્યું હતું અને ધોની 50 રન પર બેટિંગ કરી રહ્યો હતો. એ સમયે ધોની રનઆઉટ થયો હતો અને એ બાદ ભારત તે મેચ પણ હારી ગયું હતું. સાથે જ ગઈકાલની મેચમાં અડધી સદી ફટકાર્યા બાદ હરમનપ્રીત પણ ધોનીની જેમ રન આઉટ થઈ હતી અને એ મેચ પણ ટીમ ઈન્ડિયા હારી ગઈ હતી.
વીરેન્દ્ર સેહવાગે શેર કરી તસવીર
જણાવી દઈએ કે પૂર્વ ઓપનર વીરેન્દ્ર સેહવાગે 2019ની તે ઘટનાનો ફોટો શેર કરતાં લખ્યું હતું કે 'ક્રિઝ પર મેચ વિનર અને સેમી ફાઇનલમાં રનઆઉટ. આ પહેલા પણ આપણું દિલ આ રીતે તૂટયું હતું. ભારતને બહાર થતાં જોઇને દુખ થયું.
