કાર્યવાહી / કોણ લાવે છે? કચ્છમાંથી લાખોની કિંમતનું હેરોઈન ઝડપાયું, SOG અને LCBનું ઓપરેશન, એકની ધરપકડ

• કચ્છમાં હેરોઇન ડ્રગ્સ ઝડપાવવાનો સિલસિલો યથાવત 
• પૂર્વ કચ્છ પોલીસે ઝડપી લીધો ડ્રગ્સનો જથ્થો
• ગાગોદર વિસ્તારમાંથી ઝડપાયું હેરોઇન ડ્રગ્સ 

રાજ્યમાં વકરતા ડ્રગ્સના દુષણને નાથવા પોલીસ દ્વારા અનેક પ્રયાસો કરવામાં આવી રહ્યા છે. ત્યારે કચ્છમાંથી ફરીવાર હેરોઇન ડ્રગ્સ ઝડપાયો છે. ગાગોદર વિસ્તારમાંથી પૂર્વ કચ્છ પોલીસે ડ્રગ્સનો જથ્થો ઝડપી પાડ્યો છે.  

અંદાજે 16 લાખ કિંમતનો ડ્રગ્સ
પૂર્વ કચ્છ SOG અને LCBએ હેરોઇન ડ્રગ્સ સાથે એક આરોપીને ઝડપી લીધો છે તેમજ ઝડપાયેલા આરોપી પાસેથી હેરોઇન ડ્રગ્સની રૂપિયા કિંમત 16 લાખ હોવાનો અંદાજ છે. વિગતો મુજબ ગાગોદર વિસ્તારમાંથી આરોપી ડ્રગ્સ સાથે ઝડપાયો છે. 

અગાઉ વડોદરામાંથી ઝડપાયું હતું
થોડા દિવસ અગાઉ વડોદરા SOG પોલીસ પેટ્રોલિંગમાં હતી તે વેળા ડ્રગ્સ મામલે પોલીસને કાને વાત પડી હતી. જેને લઈને કારેલીબાગ વિસ્તારમાં દરોડો પાડ્યો હતો. આ વેળાએ સાજીદ અલી પઠાણ નામનો શખ્સ શંકાસ્પદ હાલતમાં ઝડપાયો હતો. જેને લઈને પોલીસે તેની તલાશી હાથ ધરતા આરોપી સાજીદ અલી પઠાણના કબ્જામાંથી 54.22 ગ્રામ MD ડ્રગ્સ મળી આવ્યું હતું. જેને લઈને પોલીસ અધિકારીઓ પણ ચોંકી ગયા હતા. આથી SOG પોલીસે 5.42 લાખની કિંમતના ડ્રગ્સ આ જથ્થા સાથે એક આરોપીની ધરપકડ કરી હતી