ગંભીર મામલો / આ એક કારણથી 3 કરોડ રાશન કાર્ડ રદ્દ, SCમાં અરજદારે કહ્યું લોકો ભૂખ્યાં મરી રહ્યાં છે

Hiralal

Last Updated: 03:51 PM, 17 March 2021

FOLLOW ON

શેર કરો

આધાર સાથે જોડાયેલા ન હોવાને કારણે લગભગ 3 કરોડ રેશન કાર્ડને રદ કરી દેવાતા સુપ્રીમ કોર્ટે આ ઘટનાની ગંભીર નોંધ લઈને કેન્દ્ર સરકાર તથા રાજ્ય સરકાર પાસેથી જવાબની માગ કરી છે.

ઝારખંડની કોયલી દેવી આ કેસમાં અરજદાર
ખાવાનું ન મળવાને કારણે કોયલી દેવીની પુત્રીનું મોત થયું હતું
3 કરોડ રેશન કાર્ડને રદ થવાના મામલાને સુપ્રીમે ગણાવ્યો અતિ ગંભીર

ચીફ જસ્ટિસ એસ.એ બોબડે, જસ્ટિસ એસી બોપન્ના અને જસ્ટિસ વી રામસુબ્રમણ્યમની પીઠે જણાવ્યું કે આ મામલાને ફક્ત વિરોધાત્મક કેસ ન ગણી શકાય કારણ કે આ એક ગંભીર મામલો છે.

સુનાવણીની શરુઆતમાં અરજાર કોયલી દેવી વતી કોર્ટમાં દલીલો રજૂ કરતા વકીલ કોલિન ગોંઝાલ્વિસે જણાવ્યું કે આ અરજી એક મોટા અને ગંભીર મુદ્દાને ઉઠાવે છે.

કેન્દ્ર સરકારે ત્રણ કરોડ રેશનકાર્ડ રદ કરી દીધા

કેન્દ્ર સરકારે ત્રણ કરોડ રેશનકાર્ડ રદ કરી દીધા છે. કોયલી દેવીએ તેમની અરજીમાં જણાવ્યું કે સ્થાનિક અધિકારીઓએ તેમનું રેશનકાર્ડ રદ કરી દીધું છે જેને કારણે તેમને માર્ચ 2007 થી રેશન મળવાનું બંધ થઈ ગયું છે અને આખા પરિવારને ભૂખમરાનો સામનો કરવાનો વખત આવ્યો છે. તેમણે કહ્યું કે ભોજન ન મળવાને કારણે તેમની પુત્રી સંતોષીનું મોત થયું હતું.

કેન્દ્ર સરકારના વકીલ સોલિસિટર જનરલ અમન લેખીએ જણાવ્યું કે કેન્દ્ર સરકારે રેશનકાર્ડ રદ કર્યાં છે તેવું બયાન ખોટું છે.

ચીફ જસ્ટિસની ખંઠપીઠે જણાવ્યું કે અમે આ મુદ્દે કેન્દ્ર સરકાર પાસેથી જવાબની માગ કરીએ છીએ. આ કોઈ પ્રતિકાત્મક કેસ નથી પરંતુ અમે આ કેસની વધારે સુનાવણી કરીશું. નોટીસ જારી કરાઈ છે જેની પર અમારે ચાર અઠવાડિયાની અંદર જવાબ જોઈએ.

શું છે મામલો
ઝારખંડની રહેવાશી કોયલી દેવીએ પોતાના રદ થયેલા રેશન કાર્ડના વિરોધમાં સુપ્રીમ કોર્ટમા અરજી કરી છે. રેશન કાર્ડ રદ થતા રેશન ન મળતા કોયલીદેવીની 11 વર્ષની પુત્રી સંતોષીનું ભૂખમરાને કારણે મોત થયું હતું. સંતોષીની બહેન ગુડિયા દેવી પણ આ કેસમાં અરજદાર છે.

સંકળાયેલા મુદ્દાઓ

3 Crore Ration Card 3 કરોડ રેશનકાર્ડ Chief Justice Sa Bobde Supreme Court એસ.એ.બોબડે ચીફ જસ્ટિસ સુપ્રીમ કોર્ટ 3 Crore Ration Cards