- ઉબ્જેકિસ્તાનના સમરકંદમાં યોજાશે SCO સમિટ
- PM મોદી પાક.ના વડાપ્રધાન સાથે કરી શકે છે મુલાકાત
- જો મુલાકાત થઇ તો અનેક મુદ્દાઓ પર ચર્ચા સંભવ
શંઘાઇ સહયોગી સંગઠન (SCO) ના મહાસચિવ ઝાંગ મિંગ શુક્રવારથી ત્રણ દિવસ પાકિસ્તાની મુલાકાતે છે. એ દરમ્યાન તેઓ 15-16 સપ્ટેમ્બરના રોજ ઉબ્જેકિસ્તાનના સમરકંદમાં યોજાનાર SCOના વાર્ષિક શિખર સંમેલન માટે પાકિસ્તાનના PM શહબાઝ શરીફને આમંત્રિત કરશે એવું જાણવા મળી રહ્યું છે. ત્યારે આ સંમેલનમાં ખુદ PM મોદી પણ ભાગ લેવાના છે. ત્યારે એવું માનવામાં આવી રહ્યું છે કે, આ સંમેલનમાં પાકિસ્તાન અને ભારતના વડાપ્રધાન મુલાકાત કરી શકે છે.
.jpg)
6 વર્ષ બાદ પ્રથમ વાર થશે મુલાકાત!
એવું કહેવાઇ રહ્યું છે કે, 6 વર્ષમાં આવું પ્રથમ વાર થશે કે જ્યારે બંને વડાપ્રધાન એકસાથે જોવા મળશે અને એકબીજાની મુલાકાત કરશે. ઉચ્ચ સ્થાનીય રાજદ્વારી સૂત્રોના જણાવ્યાં અનુસાર, એવું કહેવાય છે કે શહબાઝ અને PM મોદી વચ્ચેની મુલાકાતની શક્યતાને નકારી ના શકાય કારણ કે બંને બે દિવસ માટે એક જ પરિસરમાં રહેશે.
ભારત તરફથી હજુ સુધી કોઇ જ વાતચીતની ઓફર નહીં
સૂત્રોના જણાવ્યાં અનુસાર, "બંનેની હજુ સુધી કોઇ જ બેઠક નથી થઇ, કારણ કે ભારત તરફથી હજુ સુધી આ મામલે કોઇ પણ પ્રકારની રજૂઆત નથી થઇ. જો ભારત આવી કોઇ રજૂઆત કરે છે તો તેની પર પાકિસ્તાનની પ્રતિક્રિયા સકારાત્મક હશે." ચીન, પાકિસ્તાન, રશિયા, ભારત, તજાકિસ્તાન, ઉબ્જેકિસ્તાન, કિર્ગિસ્તાન અને કઝાકિસ્તાન આ ગ્રુપના સંપૂર્ણ સભ્યો છે. ગ્રુપના નવા અધ્યક્ષે પોતાની પ્રાથમિકતાઓ અને કાર્યોના વિશે પહેલેથી જ જણાવી દીધું છે. જેમાં સંગઠનની ક્ષમતા અને અધિકાર વધારવા, ક્ષેત્રમાં શાંતિ અને સ્થિરતા સુનિશ્ચિત કરવા, ગરીબી ઓછી કરવા અને ખાદ્ય સુરક્ષા સુનિશ્ચિત કરવાના પ્રયાસ સામેલ છે.
