સાયબર ક્રાઇમ વિશે લોકોને જાગૃત કરવા પોલીસ કર્મીની અનોખી પહેલ
લગ્ન કંકોત્રીમાં સાયબર ક્રાઇમ અંગે તમામ માહિતીઓનો સમાવેશ
રાજ્યમાં હાલ સાયબર ક્રાઇમની વધતી જતી ઘટનાઓ વચ્ચે હવે અમરેલીના એક પોલીસકર્મીએ સરાહનીય પહે લ કરી છે. વાત જાણે એમ છે કે, એક પોલીસકર્મીએ પોતાના લગ્નની અનોખી કંકોત્રી બનાવી છે. જોકે એમા ખાસ વાત એ છે કે, પોલીસકર્મીએ ડિજિટલ કંકોત્રીમાં સાયબર ક્રાઇમના અનેક સૂત્રો લખી લોકોને જાગૃત કરવાનો પ્રયાસ કર્યો છે.
પોલીસકર્મીની ડિજિટલ કંકોત્રી
અમરેલીમાં સાયબર ક્રાઇમ પોલીસ સ્ટેશનમાં ફરજ બજાવતા નયન સાવલિયાએ એક અનોખી પહેલ કરી છે. વિગતો મુજબ આગામી 07-02-2023ના રોજ લગ્ન છે. અમરેલી હેડ ક્વાર્ટરમાં ફરજ બજાવતા ધારા સાથે નયન સાવલિયા લગ્ન નક્કી થયા છે. જોકે લગ્નની ડિજિટલ કંકોત્રીમાં લોકોને સાયબર ક્રાઇમ અંગે જાગૃત કરવા અનોખી પહેલ કરી હતી.
પોલીસકર્મીની ડિજિટલ કંકોત્રી
નયન સાવલિયાએ પોતાના લગ્નની ડિઝિટલ કંકોત્રીમાં સાયબર ક્રાઇમના અનેક સૂત્રો લખી લોકોને જાગૃત કરવાનો પ્રયાસ કર્યો છે. આ સાથે ડિઝિટલ કંકોત્રીમાં સાયબર ક્રાઇમ અંગે તમામ માહિતીઓનો સમાવેશ કરાયો છે.
પોલીસકર્મીની ડિજિટલ કંકોત્રી
સાયબર ક્રાઇમથી લોકોને જાગૃત કરવા અનોખી પહેલ
અમરેલીમાં સાયબર ક્રાઇમ પોલીસ સ્ટેશનમાં ફરજ બજાવતા નયન સાવલિયાએ પોતાના લગ્નની ડિઝિટલ કંકોત્રીથી લોકોને સાયબર ક્રાઇમ અંગે જાગૃત કરવાનો પ્રયાસ કર્યો છે. લગ્ન કંકોત્રીમાં સાયબર ક્રાઇમ એટલે શું ? સાયબર ક્રાઇમના પ્રકારો, સોશિયલ મીડિયા સંબધિત ફ્રોડ, ઇ-મેઈલ સ્પૂફિંગ, સાયબર ક્રાઇમની મોડસ ઓપરેન્ડી, ઇન્સ્ટન્ટ લોન એપ ફ્રોડ, બનાવટી લિન્ક, ફેક કોલ, ઓનલાઈન સેલિંગ પ્લેટફોર્મ, કસ્ટમર ક્રેર ફ્રોડ અને સાયબર ક્રાઇમથી બચવા લોકોએ શું-શું કરવું જોઈએ તેની માહિતી આપી છે.
પોલીસકર્મીની ડિજિટલ કંકોત્રી
પોલીસવડા સહિતનાએ જવાનની પ્રશંસા કરી
અમરેલીના સાઇબર ક્રાઇમ પોલીસ સ્ટેશનમાં ફરજ બજાવતા પોલીસ કર્મીની અનોખી લગ્ન કંકોત્રીના ઠેર-ઠેર વખાણ થઈ રહ્યા છે. મહત્વનું છે કે, સાયબર ક્રાઇમ વિશે લોકોને જાગૃત કરવા 27 પેજની ડિજિટલ લગ્ન કંકોત્રીમાં સાઇબર ક્રાઇમના અનેક સૂત્રો લખ્યા છે.
પોલીસકર્મીની ડિજિટલ કંકોત્રી
સાયબર ક્રાઇમને લગતી માહિતીઓ જોડી લોકો સુધી સંદેશો પહોંચે તે માટે એક અનોખી પહેલ કરનાર નયન સાવલિયાના આ પ્રયાસને અમરેલી પોલીસવડા સહિત પોલીસ અધિકારીઓ પ્રશંસા કરી રહ્યા છે.
