દુઃખદ / માઇક્રોસોફ્ટના CEO સત્યા નડેલાના દીકરાનું માત્ર 26 વર્ષની વયે નિધન, આ ગંભીર બીમારી કારણભૂત

• સત્યા નડેલાના દીકરાનું 26 વર્ષની ઉંમરે નિધન 
• સેરેબ્રલ પાલ્સીથી પીડાતો હતો દીકરો zain Nadella 
• ભારતીયવંશી સત્યા માઇક્રોસોફ્ટના CEO 

Satya Nadella ના દીકરાનું નિધન 

સોફ્ટવેર કંપની માઇક્રોસોફ્ટના મુખ્ય અધિકારી સત્યા નાદેલા કે જે ભારતમાં જન્મેલા છે તેઓના 26 વર્ષીય દીકરાના નિધનના સમાચાર સામે આવ્યા છે. 

આ સમાચારથી ટેક જગતમાં શોકનું મોજું ફેલાઈ ગયું છે. એકદમ યુવાન વયે સેરેબ્રલ પાલ્સીના કારણે દુર્લભ બીમારીથી નિધન થયું હતું. 

જન્મથી જ હતી ગંભીર બીમારી 

ઉલ્લેખનીય છે કે Microsoft CEO સત્યા નડેલાના દીકરાને બાળપણથી સેરેબ્રલ પાલ્સી નામની ગંભીર બીમારી હતી જેના કારણે તેનું નિધન થયું છે. 

કંપની દ્વારા આપવામાં આવી  માહિતી
કંપનીએ આ અંગે કર્મચારીઓને ઈમેલ દ્વારા જાણ કરી છે. સોફ્ટવેર કંપનીએ તેના એક્ઝિક્યુટિવ સ્ટાફને ઈમેલ દ્વારા જાણ કરી હતી કે ઝૈનનું નિધન થયું છે. આ સંદેશમાં અધિકારીઓને તેના પરિવાર માટે પ્રાર્થના કરવાનું કહેવામાં આવ્યું છે.

તમને જણાવી દઈએ કે 2014માં CEOની ભૂમિકા સંભાળ્યા બાદથી, સત્ય નડેલા ડિસેબીલીટી ધરાવતા યુઝર્સ વધુ સારી રીતે સેવા આપવા માટે ઉત્પાદનો ડિઝાઇન કરવા પર ભાર આપી રહ્યા છે.

ચિલ્ડ્રન્સ હોસ્પિટલના સીઈઓ જેફ સ્પિરિંગે તેના બોર્ડને એક સંદેશમાં લખ્યું હતું કે, "ઝાયનને સંગીતની સારી પકડ હતી. તેનું તેજસ્વી સ્મિત અને તે તેના પરિવાર અને પ્રિયજનો માટે જે આનંદ લાવ્યો તે તેને યાદ રહેશે."