પ્રકૃતિ દર્શન / સાસણ ગિરનો ધક્કો નહીં થાય જુનાગઢમાં થઈ જશે સિંહ દર્શન, વન વિભાગે હાથ ધર્યું મોટું આયોજન, જાણો ડિટેલ્સ

• સિંહ દર્શન માટે હવે પર્યટકોએ સાસણ ગીર જવાની જરૂર નહી પડે
• જૂનાગઢ ખાતે ગિરનાર સેન્ચ્યુરી પાર્કમાં પ્રવાસીઓ સિંહ દર્શન કરી શકશે
• આઠ જીપ્સી દ્વારા સિંહ દર્શન કરી શકાય તેવું વન વિભાગ દ્વારા આયોજન

જુનાગઢ ગિરનાર સેન્ચ્યુરી પાર્કના કુલ 35 કિલોમીટરના એરિયામાં અહીં પ્રવાસીઓ સિંહ દર્શન કરી શકે છે. રોજ આઠ જીપ્સી દ્વારા સિંહ દર્શન કરી શકાય તેવું વન વિભાગ દ્વારા આયોજન કરાયું છે.  ત્યારે સિંહ દર્શન માટે 3200 ચૂકવવાના હોય છે. પ્રકૃતિના ખોળે સિંહ દર્શન અને વિવિધ વનસ્પતિઓને માણવાનો નજારો અહીં કંઈક અલગ જ હોય છે. 

ગુજરાત સહિત દેશ-વિદેશમાંથી પર્યટકો કુદરતી સૌદર્યનો આનંદ માણવા આવે છે
ગિરનાર સેન્ચ્યુરી પાર્ક ખાતે ગુજરાત સહિત દેશ-વિદેશમાંથી પર્યટકો અહીંયા કુદરતી સૌદર્યનો આનંદ માણવા આવતા હોય છે. સોરઠના સાવજ ઉપરાંત અહીં વિવિધ વન્ય જીવો અને વિવિધ વનસ્પતિઓનો આનંદ પ્રવાસીઓ ભરપુર માણતા હોય છે. અહીં આવેલા પ્રવાસીઓએ તેમનો અનુભવ વર્ણવ્યો હતો. પ્રવાસીએ કહ્યું હતું કે આ તેના જીવનનો એક ઉત્તમ યાદગાર અનુભવ હોવાનું જણાવ્યું હતું.

એક વર્ષમાં ગિરનાર સેન્ચ્યુરી પાર્કમાં મોટી સંખ્યામાં પ્રવાસીઓએ મુલાકાત લીધી
છેલ્લા એક વર્ષમાં જૂનાગઢ ગિરનાર સેન્ચ્યુરી પાર્કમાં મોટી સંખ્યામાં પ્રવાસીઓએ મુલાકાત લીધી છે. ગિરનાર સેન્ચ્યુરી પાર્કને કારણે જુનાગઢને ફાયદો સાબિત થયો છે.  હાલ વેકેશનનો સમયગાળો હોઈ સામાન્ય દિવસો કરતા પણ અહીં મોટી સંખ્યામાં પ્રવાસીઓ હોય છે. 

આજે અમે પરિવારનાં 20 સભ્યો તેમજ બાળકો સાથે ગિરનાર સફારી ખાતે આવ્યાઃ રૂષિરાજસિંહ જાડેજા
આ બાબતે રૂષિરાજસિંહ જાડેજાએ જણાવ્યું હતું કે,  આજે અમે પરિવારનાં 20 સભ્યો તેમજ બાળકો સાથે ગિરનાર સફારી ખાતે આવ્યા છીએ. અને એકદમ વ્યાજબી કિંમતે. ત્યારે અમને એવી જાણ થઈ હતી કે  અહીંયા આખા દિવસની કુલ 8 જ પરમીટ આપવામાં આવે છે. જેમાંથી ત્રણ પરમીટ અમારી હતી. 13 કિલોમીટરનો રૂટ કાપીને અમે અહીંયા ઉભા છીએ. રસ્તામાં અમને  એક સિંહણ બે બચ્ચાઓ સાથે જોવા મળી હતી. અમે આ કુદરતી માહોલનો લ્હાવો લીધો હતો.