- 5 જુલાઈએ સના ખાને એક સુંદર દિકરાને જન્મ આપ્યો હતો
- મા બન્યા પછી સના ખાને પોતાની લાગણીને શેર કરી
- માતા બનીને વજન ઓછું કરવા કરતા માતૃત્વને ઈન્જોય કરવું
સના ખાને હાલમાં તેના પતિ સાથે ખુશીથી પોતાનું જીવન પસાર કરી રહી છે. સના ખાન હાલમાં માતા બની છે. 5 જુલાઈએ સના ખાને એક સુંદર દિકરાને જન્મ આપ્યો હતો. મા બનીને સના અને તેમના પતિ મૌલાના અનસ સૈયદ ખુબ જ ખુશ છે. મા બન્યા પછી સના ખાને હવે પહેલી વખત પોતાની લાગણીને શેર કરી છે. સના ખાને એક ઈન્ટરવ્યુંમાં કહ્યું હતું કે, આ દુનિયાની સૌથી સુંદર ફિલિંગ્સ છે.
ડિલીવરી પછી જ્યારે લોકો વજન ઓછું કરવાની વાતો કરે છે તો મને ચિંતા થાય છે
એક જીવનને દુનિયામાં લાવવાની લાગણીને શબ્દોમાં વ્યક્ત કરવી મુશ્કેલ છે. આ જીવનભરની જવાબદારી છે. બાળકોના જીવનમાં થનારી દરેક સારી ખરાબ વસ્તુ માટે તમે જવાબદાર હોવ છો. ડિલીવરી બાદ મોટાભાગની મહિલાઓ ઉપર વજન ઓછું કરવાનું પ્રેશર હોવાનો સુંદર જવાબ આપ્યો છે. સના ખાને કહ્યું કે, ડિલીવરી પછી જ્યારે લોકો વજન ઓછું કરવાની વાતો કરે છે તો મને ચિંતા થાય છે. જો કે એ વાતમાં કોઈ શંકા નથી કે દરેક લોકો વજન ઓછું કરવા માંગે છે અને હું પણ તેમાંથી એક છું.
વજન ઓછું કરવા કરતા માતૃત્વને ઈન્જોય કરવું જોઈએ
સના ખાને વધુમાં કહ્યું કે, પોતાના સ્વાસ્થને ખરાબ કરીને બાળકના વિકાસને માટે જે જરૂરી છે તે વસ્તુઓને ખાવાનું બંધ કરીને વજન ઓછું નથી કરવા માંગતી. હાલમાં જ માતા બનીને તરત વજન ઓછું કરવા કરતા માતૃત્વને ઈન્જોય કરવું જોઈએ. હું વજન ઓછું કરવા કરતા હેલ્થી રહેવા માટે પ્રમોટ કરીશ. મારા માટે સૌથી પહેલા મારું બાળક છે. વજન તો ગમે ત્યારે ઓછું કરી શકાશે.
બાળકનું નામ સૈયદ તારિક જમીલ રાખ્યું
એક રિપોર્ટ મુજબ સના ખાને પોતાના બાળકનું નામ સૈયદ તારિક જમીલ રાખ્યું છે. બાળકના નામ વિશે વાત કરતા સના ખાને જણાવ્યું હતું કે, અમે બાળક માટે એવું નામ પસંદ કરવા માંગતા હતા જે પવિત્રતા, સજ્જનતા અને ઈમાનદારીનું પ્રતિક હોય. જમીલનો મતલબ સુંદરતા છે અને તારિકનો મતલબ સુખદ.
બાળકને જોતા જ અનસ એકદમ ઈમોશનલ થઈ જાય
પતિ વિશે વાત કરતા સના ખાને કહ્યું કે, અનસને જોઈને મને લાગે છે કે હું તેમને જાણતી જ નથી. બાળકને જોતા જ અનસ એકદમ ઈમોશનલ થઈ જાય છે. ક્યારેક ક્યારેક તો એમની આંખોમાં આંસુ આવી જાય છે. હું ઘણી વખત તેમને રડતા જોઉં છું. એક વખત મેં એમને પુછી લીધું કે તે કેમ રડી રહ્યા છે. કારણ કે રિલેશનશિપમાં ક્રાઈ બેબી તો હું છું. હાલમાં સના ખાન અને તેમના પતિ માતા પિતા બની ખુબ જ ખુશ છે. તો સાથે સાથે લોકો તેમને માતા પિતા બનવા માટે ખુબ શુભેચ્છાઓ પાઠવી રહ્યા છે.
