રાજનીતિ / જનતા નક્કી કરે, કે હિન્દુ રાષ્ટ્ર જોઈએ કે પછી સેક્યુલર, મોદી સરકારમાં ધર્મને વધુ મહત્વ અપાયું: કોંગ્રેસના દિગ્ગજ નેતાનું મોટું નિવેદન

• સેમ પિત્રોડાએ ચૂંટણી અંગે મહત્ત્વપૂર્ણ નિવેદન આપ્યું
• ભારતમાં ધર્મને વધુ મહત્ત્વ આપવામાં આવી રહ્યું છે
• ધર્મને રાષ્ટ્રીય મુદ્દો ના બનાવવો જોઈએ

ઈન્ડિયન ઓવરસીઝ કોંગ્રેસ અધ્યક્ષ સેમ પિત્રોડાએ આગામી વર્ષની લોકસભા ચૂંટણી અંગે મહત્ત્વપૂર્ણ નિવેદન આપ્યું છે કે, ‘ભારતના લોકોએ નક્કી કરવાનું રહેશે કે, તેઓ હિંદુ રાષ્ટ્ર બનાવવા માંગે છે કે, એક ધર્મનિરપેક્ષ રાષ્ટ્રની આશા રાખે છે. જેમાં સમાવેશ, વિવિધતા અને સ્થિરતા પર ધ્યાન કેન્દ્રિત કરવામાં આવ્યું હોય. મને આશા છે કે, ભારતીયો દેશના ભવિષ્ય માટે જવાબ આપશે. ભારતમાં ધર્મને વધુ મહત્ત્વ આપવામાં આવી રહ્યું છે અને તે અંગત વિષય છે. જેને રાષ્ટ્રીય મુદ્દો ના બનાવવો જોઈએ.’

2024ની ચૂંટણી ભારત માટે જરૂરી
સેમ પિત્રોડાએ જણાવ્યું છે કે, ‘2024ની ચૂંટણી ભારતના ભવિષ્ય માટે જરૂરી છે. મને આશા છે કે, ભારતના લોકો આ બાબતે જરૂરથી વિચારશે. ભારતીયોએ નક્કી કરવાનું રહેશે કે, તેઓ કયા પ્રકારનું રાષ્ટ્ર બનાવવા માંગે છે. શું તેઓ હિંદુ રાષ્ટ્ર બનાવવા માંગે છે કે, પછી એક ધર્મનિરપેક્ષ રાષ્ટ્રની આશા રાખે છે. જેમાં સમાવેશ, વિવિધતા અને સ્થિરતા પર ધ્યાન કેન્દ્રિત કરવામાં આવ્યું હોય.’

વિદેશમાં રાહુલ ગાંધીના નિવેદનનો કર્યો બચાવ
વિદેશી ભૂમિ પર રાહુલ ગાંધી પર દેશના અપમાનનો આરોપ લગાવવામાં આવ્યો છે, જે બાબતે સેમ પિત્રોડાએ નિવેદન આપ્યું છે. સેમ પિત્રોડા જણાવે છે કે, વિદેશમાં ભારતની નહીં પણ ભારત સરકારની ટીકા કરીએ છીએ, જે બંને અલગ બાબતો છે. ભારત સરકાર અને ભારતની ટીકા કરવા બાબતે મૂંઝવણ ના થવી જોઈએ. ભારત ખૂબ જ મોટો દેશ છે અને મહત્ત્વપૂર્ણ છે.

‘ભારત વિશ્વનું ભવિષ્ય નક્કી કરી શકે છે’
સેમ પિત્રોડા જણાવે છે કે, ‘આપણે ભારત બાબતે વૈશ્વિક મંચ પર ચર્ચા કરવાનો અધિકાર અને જવાબદારી છે. ભારત નાનો દેશ નથી ભારત વિશ્વની નિયતિ નક્કી કરી શકે છે. ભારત સૌથી વધુ વસ્તુ ધરાવતો દેશ છે. જેથી આપણે વિશ્વ સાથે વાત કરવી જોઈએ. આ આપણી જવાબદારી છે કે, આપણે વૈશ્વિક નેતાઓ સાથે મુલાકાત કરીએ અને ભારત વિશે જણાવીએ. કોઈપણ ભારતનું અપમાન ના કરી શકે.’