બૉલીવુડમાં દબંગ ખાન તરીકે પ્રખ્યાત સલમાન ખાન તેના સ્ટારડમ માટે જાણીતા છે અને અભિનેતાની મજબૂત ફેન ફોલોઇંગ છે. સલમાનના ચાહકો હંમેશા તેની ફિલ્મોની રાહ જોતા હોય છે અને ખાસ કરીને 'દબંગ' ફ્રેન્ચાઇઝી સલમાન ખાનની સૌથી સફળ ફિલ્મોમાંની એક છે.
હવે એ વાત તો જાણીતી જ છે કે સલમાન ખાનને તેની ફિલ્મ 'દબંગ' પછી 'દબંગ ખાન' કહેવા લાગ્યા. દર્શકોને આ ફિલ્મ ખાસ પસંદ આવી હતી, ત્યારબાદ 'દબંગ 2' અને 'દબંગ 3'એ પણ દર્શકોના દિલ જીતી લીધા હતા. એવામાં હવે સલમાને તેની ફિલ્મ વિશે જણાવ્યું કે 'દબંગ 4' હજુ સુધી કેમ નથી બની અને આ ફિલ્મ ક્યારે બનશે તે પણ જણાવ્યું. સલમાને આપેલી આ અપડેટ સાંભળીને ચોક્કસપણે 'દબંગ' ફ્રેન્ચાઈઝીના ચાહકોને ખુશ થશે.
સલમાન ખાન તેના ભાઈ અરબાઝ ખાન દ્વારા નિર્મિત ડિઝની પ્લસ હોટસ્ટાર પર સ્ટ્રીમિંગ ફિલ્મ 'પટના શુક્લા'ના પ્રીમિયરમાં હાજરી આપી હતી, જ્યાં અભિનેતાને 'દબંગ 4' વિશે પૂછવામાં આવ્યું હતું. આના જવાબમાં સલમાન ખાને કહ્યું કે ખૂબ જ જલ્દી થશે, અમે બંને ભાઈઓ એક સ્ક્રિપ્ટ માટે લોક થઈ જઈએ એટલે ફિલ્મ બની જશે. અત્યારે તેઓ કંઈક બનાવવા માગે છે અને હું કંઈક બીજું બનાવવા માગું છું, પરંતુ જેવી સ્ક્રિપ્ટ ફાઈનલ થશે એ બાદ 'દબંગ 4' રિલીઝ થશે.'
સલમાન ખાને સ્પષ્ટ કર્યું છે કે 'દબંગ 4' પર હજુ સંપૂર્ણ વિચારણા નથી થઈ રહી. અરબાઝ ખાન અને સલમાન બંને પોતપોતાના પ્રોજેક્ટમાં વ્યસ્ત છે અને જેમ જેમ તેઓ તેને પૂર્ણ કરે છે તેમ તેમ ભાઈઓ 'દબંગ 4'ની સ્ક્રિપ્ટ પર કામ કરશે. આ સાથે, 'પટના શુક્લા'ના સ્ક્રિનિંગમાં ફિલ્મ વિશે વાત કરતી વખતે, સલમાને તેના કલાકારોના વખાણ પણ કર્યા. ફિલ્મમાં રવિના ટંડન લીડ રોલમાં છે.
વધુ વાંચો: કરીના કપૂર, કૃતિ અને તબ્બુની ફિલ્મ 'ક્રૂ' જોવા જેવી ખરી? પહેલા દિવસે આટલા કરોડ છાપ્યા
રવીના વિશે વાત કરતાં અભિનેતાએ કહ્યું કે મેં રવીના સાથે 'પત્થર કે ફૂલ' અને 'અંદાઝ અપના અપના' સહિત ત્રણથી ચાર ફિલ્મોમાં કામ કર્યું છે. હું તેને ઘણા સમથી ઓળખું છું, તેણે મારી સાથે પહેલી ફિલ્મ કરી હતી. હવે આટલા વર્ષો પછી અરબાઝ તેની સાથે કામ કરી રહી છે. તે ખૂબ જ સારી કલાકાર અને મિત્ર પણ છે. આ સાથે સલમાને તેની પુત્રી રાશા થડાનીને પણ શુભેચ્છા પાઠવી હતી, જે અભિષેક કપૂરની ફિલ્મમાં અજય દેવગનના ભત્રીજા અમન દેવગનની સામે બોલિવૂડમાં તેના અભિનયની શરૂઆત કરવા માટે તૈયાર છે.
