- સલમાન ખાન તેની આગામી ફિલ્મ 'ટાઈગર 3 ' માટે ચર્ચામાં છે
- સોશિયલ મીડિયા પર સલમાન ખાનનો એક વીડિયો વાયરલ થયો
- રોનાલ્ડો અને સલમાન ખાન સાથે જોવા મળ્યા
આ દિવસોમાં સલમાન ખાન તેની આગામી એક્શન થ્રિલર ફિલ્મ 'ટાઈગર 3 ' માટે ચર્ચામાં છે. આ ફિલ્મમાં સલમાનની સાથે કેટરીના કૈફ અને ઈમરાન હાશ્મી પણ છે. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે, જેને જોઈને ફેન્સ પણ ચોંકી ગયા છે.
વીડિયોમાં સલમાન ક્રિસ્ટિયાનો રોનાલ્ડો અને તેની પત્ની જ્યોર્જીના રોડ્રિગ્ઝ સાથે બેઠો જોવા મળ્યો હતો. ત્રણેય બોક્સિંગ મેચની મજા લેતા જોવા મળ્યા હતા.
રોનાલ્ડો અને સલમાન ખાન સાથે જોવા મળ્યા
વાસ્તવમાં, સલમાન ખાને રિયાધમાં ટાયસન ફ્યુરી અને ફ્રાન્સિસ નગાનૌ વચ્ચેની બોક્સિંગ મેચમાં હાજરી આપી હતી . તેણે ફૂટબોલર ક્રિસ્ટિયાનો રોનાલ્ડો અને તેની પત્ની જ્યોર્જીના રોડ્રિગ્ઝ સાથે મેચની મજા માણી હતી. સલમાન અને રોનાલ્ડોની એકસાથે તસવીરો અને વીડિયો જોઇને ચાહકો પણ ચોંકી ગયા છે.
સલમાન ખાનની આગામી ફિલ્મ ટાઇગર 3 વિશે:
વર્ક ફ્રન્ટ પર, સલમાન ખાન તેની આગામી ફિલ્મ ટાઇગર 3 ની મોસ્ટ અવેટેડ રિલીઝની તૈયારી કરી રહ્યો છે. ફિલ્મમાં કેટરિના કૈફ અને ઈમરાન હાશ્મી પણ છે. ટ્રેલર વાર્તાની ઝલક આપે છે, જેમાં સલમાનના પાત્ર ટાઇગરને કથિત દેશદ્રોહી તરીકે દર્શાવવામાં આવ્યો છે જે તેના પરિવાર અને દેશ બંનેને બચાવવા માટે મિશન શરૂ કરે છે.
ફિલ્મનું પહેલું ગીત 'લેકે પ્રભુ કા નામ' રિલીઝ થઈ ગયું છે, જેમાં સલમાન અને પ્રખ્યાત ગાયક અરિજીત સિંહ પહેલીવાર સાથે કામ કરી રહ્યા છે. આ પાર્ટી નંબર સલમાન અને કેટરિના વચ્ચેની શાનદાર કેમેસ્ટ્રી દર્શાવે છે. મનીષ શર્મા દ્વારા દિગ્દર્શિત અને આદિત્ય ચોપરા દ્વારા નિર્મિત, ટાઈગર 3 12મી નવેમ્બરે દિવાળીના શુભ અવસર પર પડદા પર ચમકવા માટે તૈયાર છે.
