ગૌરવની વાત / World Cup 2023: બિગ બી બાદ 'ગોલ્ડન ટિકિટ' હવે સચિન તેંડુલકરના ફાળે, BCCIએ કરી તસવીર શેર

• હવે  સચિન ICC ક્રિકેટ વર્લ્ડ કપ 2023નો ભાગ બનશે અને મેચ લાઈવ જોશે
• તેંડુલકરનું નામ વિશ્વ કપમાં સૌથી વધારે રન લેનાર ખેલાડીઓમાં સામેલ 
• BCCIએ 6 સપ્ટેમ્બરે અમિતાભ બચ્ચન અને જય શાહની તસવીર પોસ્ટ કરી

Sachin tendulkar got golden ticket: ODI વર્લ્ડ કપ ભારતમાં 5 ઓક્ટોબરથી 19 નવેમ્બર દરમિયાન યોજાવાનો છે. BCCIએ આ વર્લ્ડ કપને ખાસ બનાવવા માટે એક અભિયાન શરૂ કર્યું છે. તેણે વિશ્વ કપ જોવા માટે દેશની પ્રખ્યાત હસ્તીઓને આમંત્રણ આપવાનું શરૂ કર્યું છે. આ અભિયાનનું નામ છે 'ગોલ્ડન ટિકિટ ફોર ઈન્ડિયા આઈકોન્સ'. આ અંતર્ગત વિવિધ ક્ષેત્રોમાં કામ કરી રહેલા દિગ્ગજોને વર્લ્ડ કપ મેચ જોવા માટે ગોલ્ડન ટિકિટ આપવામાં આવી રહી છે. બોલિવૂડના મેગાસ્ટાર અમિતાભ બચ્ચન બાદ હવે ક્રિકેટના ભગવાન કહેવાતા સચિન તેંડુલકરનું નામ પણ આ યાદીમાં જોડાયું છે.

🏏🇮🇳 An iconic moment for cricket and the nation!

As part of our "Golden Ticket for India Icons" programme, BCCI Honorary Secretary @JayShah presented the golden ticket to Bharat Ratna Shri @sachin_rt.

A symbol of cricketing excellence and national pride, Sachin Tendulkar's… pic.twitter.com/qDdN3S1t9q

— BCCI (@BCCI) September 8, 2023

બીસીસીઆઈએ શુક્રવારે (8 સપ્ટેમ્બર) ટ્વિટર પર આ માહિતી આપી હતી કે બોર્ડ સેક્રેટરી જય શાહે તેંડુલકરને ગોલ્ડન ટિકિટ આપી હતી. BCCIએ લખ્યું, “ક્રિકેટ અને દેશ માટે ગર્વની ક્ષણ! અમારા "ગોલ્ડન ટિકિટ ફોર ઈન્ડિયા આઈકોન્સ" કાર્યક્રમના ભાગરૂપે, BCCI સેક્રેટરી જય શાહે ભારત રત્ન સચિન તેંડુલકરને ગોલ્ડન ટિકિટ આપી. રાષ્ટ્રીય ગૌરવના પ્રતિક એવા સચિન તેંડુલકરની યાત્રાએ પેઢીઓને પ્રેરણા આપી છે. હવે તે ICC ક્રિકેટ વર્લ્ડ કપ 2023નો ભાગ બનશે અને મેચ લાઈવ જોશે.

તેંડુલકરનું નામ વિશ્વ કપમાં સૌથી વધારે રન
તેંડુલકર 2011માં વર્લ્ડ કપ જીતનાર ભારતીય ટીમનો સભ્ય હતો. ક્રિકેટની સૌથી મોટી ટૂર્નામેન્ટમાં તેનો રેકોર્ડ શાનદાર રહ્યો છે. તેને 1992 થી 2011 વચ્ચે છ વખત વર્લ્ડ કપ રમવાની તક મળી. તેંડુલકરે આ ટૂર્નામેન્ટમાં સૌથી વધુ રન બનાવ્યા છે. તેણે 45 મેચની 44 ઇનિંગ્સમાં 2278 રન બનાવ્યા છે. સચિનની એવરેજ 56.95 છે. તેણે છ સદી અને 15 અડધી સદી ફટકારી હતી. વર્લ્ડ કપમાં તેનો હાઇએસ્ટ સ્કોર 152 હતો.

Golden ticket for our golden icons!

BCCI Honorary Secretary @JayShah had the privilege of presenting our golden ticket to none other than the "Superstar of the Millennium," Shri @SrBachchan.

A legendary actor and a devoted cricket enthusiast, Shri Bachchan's unwavering support… pic.twitter.com/CKqKTsQG2F

— BCCI (@BCCI) September 5, 2023

અમિતાભ બચ્ચન માટે બીસીસીઆઇએ શું લખ્યું છે ?
BCCIએ 6 સપ્ટેમ્બરે અમિતાભ બચ્ચન અને જય શાહની તસવીર પોસ્ટ કરી હતી. પછી તેણે લખ્યું, "આપણા ગોલ્ડન આઇકોન્સ માટે ગોલ્ડન ટિકિટ!" BCCI સેક્રેટરી જય શાહને સુપરસ્ટાર શ્રી અમિતાભ બચ્ચનને અમારી ગોલ્ડન ટિકિટ આપવાનો લહાવો મળ્યો હતો. એક મહાન અભિનેતા અને સમર્પિત ક્રિકેટ પ્રેમી, અમિતાભ બચ્ચનનો ટીમ ઈન્ડિયા પ્રત્યેનો અતૂટ સમર્થન આપણને બધાને પ્રેરણા આપે છે. અમે તેને ICC ક્રિકેટ વર્લ્ડ કપ 2023 માટે બોર્ડમાં સામેલ કરીને રોમાંચિત છીએ.''