હેપી બર્થડે / ક્રિકેટના ભગવાન કહેવાતા સચિન થયા 50 વર્ષના, હજુ પણ કરે છે કરોડોમાં કમાણી, જાણો કુલ નેટવર્થ

• આજે સચિનનો 50મો જન્મદિવસ છે
• નિવૃત્તિ પછી પણ કમાણીના મામલે હજુ આગળ છે સચિન 
• આટલી પ્રોપર્ટીનો માલિક છે સચિન તેંડુલકર

ભારત સહિત વિશ્વમાં જ્યારે ક્રિકેટની વાત થાય છે ત્યારે માસ્ટર બ્લાસ્ટર સચિન તેંડુલકરને ળકો યાદ કરે છે કારણ કે ક્રિકેટમાં તેને જે ભૂમિકા ભજવી છે તેને ભૂલી શકાય તેમ નથી. એવામાં આજે 24 એપ્રિલ 2023ના રોજ સચિનનો 50મો જન્મદિવસ છે અને આખો દેશ તેમને વધામણી આપી રહ્યો છે. આપણે બધા જાણીએ છીએ કે તેને પોતાના કરિયરમાં એટલા બધા રેકોર્ડ બનાવ્યા છે કે તેનું નામ ક્રિકેટ ઈતિહાસમાં નોંધાઈ ગયું છે. 

ભલે સચિને ક્રિકેટમાંથી નિવૃત્તિ લઈ લીધી હોય પણ કમાણીના મામલે તે હજુ પણ આગળ છે. એવામાં ચાલો આજે જાણીએ કે ક્રિકેટના ભગવાન કહેવાતા સચિન તેંડુલકરની કુલ નેટવર્થ કેટલી છે.

And 5️⃣0️⃣ up from the 𝗠𝗔𝗦𝗧𝗘𝗥 𝗕𝗟𝗔𝗦𝗧𝗘𝗥 and it’s an 𝗜𝗖𝗢𝗡𝗜𝗖 one 🎂

Happy birthday, @sachin_rt #OneFamily #MumbaiMeriJaan #MumbaiIndians pic.twitter.com/21twLjSjwV

— Mumbai Indians (@mipaltan) April 23, 2023

આટલી પ્રોપર્ટીનો માલિક છે સચિન 
જણાવી દઈએ કે 16 વર્ષની ઉંમરે હાથમાં બેટ પકડીને એક પછી એક મોટા રેકોર્ડ બનાવનાર સચિન તેંડુલકરનો જન્મ 24 એપ્રિલ 1973ના રોજ મુંબઈમાં થયો હતો અને આજે તેનો 50 મો જન્મદિવસ ઉજવી રહ્યો છે. તેને પોતાની ક્રિકેટ કારકિર્દી દરમિયાન ઘણી કમાણી કરી છે અને અહેવાલો અનુસાર સચિન તેંડુલકરની કુલ સંપત્તિ લગભગ $175 મિલિયન એટલે કે 1436 કરોડ રૂપિયા છે. આ સાથે જ ક્રિકેટમાંથી નિવૃત્તિ લીધા પછી પણ તે જાહેરાતો અને અન્ય માધ્યમોથી કરોડો રૂપિયા કમાઈ રહ્યો છે.  

બ્રાન્ડ એન્ડોર્સમેન્ટથી કરોડોની કમાણી કરી રહ્યો છે સચિન 
સચિન તેંડુલકરે ભલે ક્રિકેટમાંથી નિવૃત્તિ લઈ લીધી હોય પણ મોટી બ્રાન્ડ્સ હજુ પણ તેના ચહેરા પર વિશ્વાસ કરે છે અને તેને તેમની જાહેરાતોમાં લેવાનું પસંદ કરે છે. સચિન ઘણીવાર ટીવી પર  Boost, Unacademy, Castrol India, BMW, Luminous India, Sunfeast, MRF tires, Aviva Insurance, Pepsi, Adidas, Visa, Luminous, Sanyo, BPL, Philips, Spinny જેવી કંપનીઓની જાહેરાતોમાં જોવા મળે છે. આ સિવાય જિયો સિનેમાએ સચિન તેંડુલકરને અને બીજા ઘણા ક્રિકેટરને પોતાના બ્રાન્ડ એમ્બેસેડર બનાવ્યો છે.

6⃣6⃣4⃣ intl. matches 👍
3⃣4⃣3⃣5⃣7⃣ intl. runs 🙌
2⃣0⃣1⃣ intl. wickets 👌
The only cricketer to score 💯 intl. hundreds 🔝
The 2⃣0⃣1⃣1⃣ World Cup-winner 🏆

Here's wishing the legendary and ever-so-inspirational @sachin_rt a very happy 5⃣0⃣th birthday 🎂 👏#TeamIndia pic.twitter.com/iyP0CfjTva

— BCCI (@BCCI) April 24, 2023

મુંબઈ અને કેરળમાં સચિનના આલીશાન બંગલા
સચિન તેંડુલકરની વૈભવી લાઈફસ્ટાઈલનો અંદાજ તેના આલીશાન ઘરોને જોઈને પણ લગાવી શકાય છે. મુંબઈના પોશ બાંદ્રા વિસ્તારમાં એક આલીશાન બંગલો છે, જેની કિંમત લગભગ 100 કરોડ રૂપિયા હોવાનું કહેવાય છે. આ ઘર વર્ષ 2007માં લગભગ 40 કરોડ રૂપિયામાં ખરીદ્યું હતું. માત્ર મુંબઈ જ નહીં પરંતુ કેરળમાં પણ તેનો કરોડોની કિંમતનો બંગલો છે. 

સચિન પાસે કારનું શાનદાર કલેક્શન 
સચિન તેંડુલકરને પણ કારનો ઘણો શોખ છે. તેના કાર કલેક્શનમાં એકથી વધુ લક્ઝુરિયસ કાર છે. રિપોર્ટ અનુસાર તેના કલેક્શનમાં વધુ એક મોંઘી અને લક્ઝરી કારનો છે જેવી કે ફેરારી 360 મોડન, BMW i8, BMW 7 સિરીઝ, 750Li M Sport, Nissan GT-R, Audi Q7, BMW M6 Gran Coupe અને BMW M5 30 Jahre.