ધરપકડ / બોલિવુડના આ એક્ટરની એરપોર્ટ પરથી ધરપકડ થતાં હડકંપ, નવું વર્ષ સેલિબ્રેટ કરવા દુબઈ જતા હતા

• ફિલ્મ ક્રિટિક અને કલાકારની મુંબઈ પોલીસે કરી ધરપકડ
• નવા વર્ષની ઉજવણી માટે જઈ રહ્યા હતા દુબઈ
• મારી ધરપકડ પાછળ સલમાનખાનનો હાથઃ કેઆરકે

 ફિલ્મ ક્રેટિક અને કલાકાર કમાલ રાશિદ ખાનની મુંબઈ પોલીસે એરપોર્ટ પરથી ધરપકડ કરી છે. આ વાતની જાણકારી કેઆરકેએ પોતે સોશિયલ મીડિયા એપ એક્સ મારફતે આપી છે. કેઆરકે ની વાત માનો તો નવા વર્ષની ઉજવણી કરવા માટે તે દુબઈ જઈ રહ્યો હતો. આ દરમ્યાન પોલીસે તેઓની ધરપકડ કરી છે. એક્ટરે તેની ધરપકડ પાછળ સલમાન ખાનનો હાથ હોવાનું જણાવ્યું છે. 

મુંબઈ પોલીસે એરપોર્ટ પર મારી ધરપકડ કરી
કેઆરકે એ સોશિયલ મીડિયા એકાઉન્ટ એક્સ પર પોસ્ટ કરીને લખ્યું કે, હું છેલ્લા એક વર્ષથી મુંબઈમાં છું. અને મેં મારી તમામ તારીખો પર કોર્ટમાં રેગ્યુલર હાજર રહ્યો છું. આજે નવા વર્ષની ઉજવણી માટે હું દુબઈ જઈ રહ્યો હતો. પરંતું મુંબઈ પોલીસે એરપોર્ટ પર મારી ધરપકડ કરી છે. પોલીસનાં જણાવ્યા અનુસાર હું 2015 માં એક કેસમાં વોન્ટેડ છું. સલમાન ખાન કહી રહ્યા છે કે તેમની ફિલ્મ ટાઈગર 3 મારા કારણે ફ્લોપ થઈ છે. 

I am in Mumbai for last one year. And I am attending my all court dates regularly. Today I was going to Dubai for new year. But Mumbai police arrested me at the airport. According to police, I am wanted in a 2016 case. Salman khan is saying that his film #Tiger3 is flop because…

— KRK (@kamaalrkhan) December 25, 2023

'જો હું મરી જાઉં...'
કેરેએ પોતાની પોસ્ટમાં દેશના વડાપ્રધાન નરેન્દ્ર મોદી અને વિવિધ મીડિયા સંસ્થાઓને પણ ટેગ કર્યા છે. અભિનેતાએ પોસ્ટમાં આગળ લખ્યું - જો કોઈ પણ સંજોગોમાં હું પોલીસ સ્ટેશન અથવા જેલમાં મૃત્યુ પામું, તો તમારે બધાને ખબર હોવી જોઈએ કે તે એક હત્યા છે. અને તમે બધા જાણો છો કે જવાબદાર કોણ છે!

કેઆરકેનું કરિયર
તમને જણાવી દઈએ કે કેઆરકેએ વર્ષ 2008માં ફિલ્મ 'દેશદ્રોહી'થી બોલિવૂડમાં ડેબ્યૂ કર્યું હતું. જો કે આ પછી તે કોઈ ફિલ્મમાં હીરો તરીકે જોવા મળ્યો ન હતો.તે રિયાલિટી શો બિગ બોસનો પણ ભાગ રહી ચૂક્યો છે.