- જયરાજસિંહના પુત્રએ કરી મુલાકાત
- ગોવિંદ સાગપરિયા સાથે કરી મુલાકાત
- માનહાનીના કેસનો બોગસ ગણાવ્યો
- અનિરૂદ્ધસિંહે કર્યો છે માનહાનીનો કેસ
રિબડા જુથનો કકળાટ જગજાહેર છે. વિધાનસભા ચૂંટણી પછી પણ અનિરૂદ્ધસિંહ રિબડા અને જયરાજસિંહ જાડેજા વચ્ચે આંખ વઢાઈ ગઈ છે, ડખો હજુ પણ યથાવત છે. તેવા થોડા દિવસ પહેલા રિબડાના અનિરૂદ્ધસિંહે ગોવિંદ સગપરિયા પર 50 કરોડનો માનહાનિનો દાવો કર્યો અને ગર્ભિત ધમકી આપતા કહ્યું છે કે માફી માંગે અથવા તો કાયદાકીય લડત માટે તૈયાર રહે..
ગોવિંદ સગપરિયાને જ્યા જરૂર પડે ત્યા જયરાજસિંહનો પરિવાર ઉભો રહેશે: જ્યોતિરાદિત્ય
તેવામાં જયરાજસિંહનો દિકરો જ્યોતિરાદિત્ય વિધાનસભા ચૂંટણીમાં મદદ કરનાર પાટીદાર અગ્રણી ગોવિંદ સગપરિયાને મળ્યો હતો અને માનહિનાનાં દાવાને બોગસ ગણાવ્યો હતો, મુલાકાત બાદ સોશિયલ મીડિયા પર પોસ્ટ શેર કરી કહ્યું હતું કે ગોવિંદ સગપરિયાને જ્યારે જરૂર પડશે ત્યારે જયરાજસિંહનો પરિવાર ઉભો રહેશે.
નોટીસમાં સાત દિવસમાં માફી માંગવાનો ઉલ્લેખ
ગોંડલમાં છેલ્લા ઘણા સમયથી વર્ચસ્વને લઈને જંગ ચાલી રહ્યો છે. ત્યારે ગોંડલના અનિદ્ધસિંહ જાડેજા-રીબડાએ માનહાનિ અંગે નોટીસ ફટકારી છે. ત્યારે એડવોકેટ દિનેશ પાતર મારફત માનહિનાના દાવા અંગેની લીગલ નોટીસ ફટકારી છે. ત્યારે રાજકોટનાં ગોવિંદભાઈ સગપરીયાને 50 કરોડના માનહાનિના દાવાની નોટીસ ફટકારી છે. ત્યારે નોટીસમાં ગોવિંદભાઈ સગપરીયાએ સોશિયલ મિડીયામાં અને વિશાળ જનમેદની વચ્ચે અનિરૂદ્ધસિંહ જાડેજા અને તેમના પરિવારજનો વિરૂદ્ધ અભદ્ર ભાષાનો ઉલ્લેખ કર્યો છે. નોટીસમાં દિવસ સાતમાં ગોવિંદભાઈ સગરપીયા માફી ન માંગે તો ન્યાય તંત્ર દ્વારા કાર્યવાહિ કરવાનો પણ ઉલ્લેખ કર્યો છે.
ગોવિંદભાઈ સગપરીયાએ બેફામ વાણી વિલાસ કર્યો હતો તેવો આક્ષેપ
મળતી માહિતી મુજબ રીબડાની અંદર જાહેર સભામાં ગોવિંદભાઈ ભગવાનજીભાઈ સગપરિયા નામના વ્યક્તિએ વયોવૃદ્ધ માજી ધારાસભ્ય મહિપતસિંહ જાડેજા અને તેમના પુત્ર અનિરૂદ્ધસિંહ જાડેજા દ્વારા માનહાનિનો દાવો કર્યો છે. ત્યારે ગોવિંદભાઈ સગપરીયાએ બેફામ વાણી વિલાસ કર્યો હોવાનો આક્ષેપ કરવામાં આવ્યો છે. એટલે જો તેમની પાસે પુરાવા હોય તો પુરાવા આપવા અને ન હોય તો માફી માંગે તેવી માંગ કરવામાં આવી હતી.
