શૈક્ષણિક / કેન્દ્રમાં 1736 પદો પર ખાલી જગ્યાઓ ભરવા માટે સરકાર એક્શનમાં, મંત્રીએ લોકસભામાં આપ્યો જવાબ

• 2020-21માં SSC અને UPSCમાં 372 જગ્યાઓ ભરાઈ
• SSC અને UPSCમાં વધુ 1,736 જગ્યાઓ ભરાશે 
• સરકારે UPSC અને SSCને જાણ કરી
• ગૃહરાજ્યમંત્રી નિત્યાનંદ રાવે લોકસભામાં આપી માહિતી

કેન્દ્ર સરકારના વિવિધ વિભાગોમાં ખાલી 1736 જગ્યાઓ ભરવા માટે સરકારે કમર કસી છે. આગામી સમયમાં  સ્ટાફ સિલેક્શન કમિટી અને યુનિયન પબ્લિક સર્વિસ કમિશનમાં ખાલી પડેલી જગ્યાઓ ભરાશે તેવું સરકારે લોકસભામાં જણાવ્યું છે.સોમવારે કેન્દ્રીય શિક્ષણ મંત્રાલય પણ લોકસભામાં જણાવ્યું હતું કે કેન્દ્રીય વિદ્યાલયોમાં ખાલી પડેલી 15000 જગ્યાઓ ભરવા માટેની પ્રોસેસ ચાલુ છે. 

A total of 372 posts have been filled in 2020 and 2021. Requisitions to fill 1,736 posts have been sent to Staff Selection Commission and Union Public Service Commission: MoS Home Rai to Lok Sabha

— ANI (@ANI) July 26, 2022

જગ્યાઓ ભરવા SSC અને UPSCને જાણ કરાઈ 
કેન્દ્રીય ગૃહરાજ્યમંત્રી નિત્યાનંદ રાવે એવું જણાવ્યું કે 2020-21માં SSC અને UPSCમાં 372 જગ્યાઓ ભરાઈ છે અને હવે વધુ 1,736 જગ્યાઓ ભરવા માટે SSC અને UPSCને જાણ કરી દેવાઈ છે. 

કેન્દ્રીય અને નવોદય વિદ્યાલયોમાં ખાલી 15000 જગ્યાઓ ભરવાની પ્રોસેસ ચાલુ
ઉલ્લેખનીય છે કે સોમવારે કેન્દ્રીય શિક્ષણ મંત્રાલયે સંસદને એવું જણાવ્યું કે દેશભરમાં કેન્દ્રીય વિદ્યાલયોમાં 12,000 અને નવોદય વિદ્યાલયોમાં 3,000 જગ્યાઓ ખાલી પડી છે અને આ જગ્યાઓ ભરવા માટેની પ્રોસેસ ચાલી રહી છે. 

Due COVID-19 outbreak, Census 2021 and related field activities have been postponed till further orders: MoS Home Nityanand Rai to Lok Sabha

— ANI (@ANI) July 26, 2022

ખાલી જગ્યાઓ ભરવા માટે સરકારે શું કહ્યું 
શિક્ષણ રાજ્યમંત્રીએ લોકસભામાં કહ્યું કે ખાલી જગ્યાઓ ભરવાની પ્રક્રિયા ચાલુ છે અને સંબંધિત ભરતી નિયમોની જોગવાઈઓ મુજબ ખાલી જગ્યાઓ ભરવાના પ્રયત્નો કરવામાં આવી રહ્યાં છે. આવે છે. મંત્રીએ ઉલ્લેખ કર્યો હતો કે, કેન્દ્રીય વિદ્યાલય સંગઠન (કેવીએસ) દ્વારા શિક્ષકો પણ કામચલાઉ સમયગાળા માટે કરારના ધોરણે કાર્યરત છે, જેથી શિક્ષણ અને શિક્ષણ પ્રક્રિયામાં અવરોધ ઊભો ન થાય તેની ખાતરી કરી શકાય.