કરંટ હવે લાગ્યો? / વાહ રે તંત્ર.! એક-બે નહીં ટ્રેક્ટર ભરીને ફાઈલોની ચોરી, જામનગર જિલ્લા પંચાયતની અજીબ ઘટના, કોની મેલીમૂરાદ?

• જિલ્લા પંચાયતમાં ફાઈલો ચોરીની ઘટના
• અંદાજે 2 હજાર ફાઈલોની ચોરી થઈ
• રાત્રીના સમયે ટ્રેક્ટર ભરી કરી ચોરી

જામનગરમાં જિલ્લા પંચાયતની કચેરીમાંથી એક-બે નહીં પરંતુ બે હજાર જેટલી ફાઇલોની ચોરી થઇ હોવાની વાત બહાર આવતાં ખકળભળાટ મચી જવા હોવાનું સામે આવ્યું છે. તમને જાણીને નવાઇ લાગશે કે, આ કચેરીમાં સીસીટીવી ઉપરાંત સિક્યોરિટીથી સુસજ્જ છે, છતાં રાત્રીના સમયે ટ્રેક્ટર ભરી અગત્યના દસ્તાવેજો કોઈક ઉપાડી ગયા હતા, સરકારી કચેરીમાં આ રીતે રેકર્ડ ગુમ થવાથી સિક્યોરિટી, અધિકારીઓ સહિતની મોટી બેદરકારી સામે આવી છે. આજથી બે મહિના પહેલાં ટ્રેક્ટરમાં કોઇ શખ્સ ઇલેક્ટ્રીક વિભાગના રેકોર્ડ રૂમમાંથી સંખ્યાબંધ ફાઈલો ઉઠાવી ગયો હોવાનું સામે આવ્યું છે. જિલ્લા વિકાસ અધિકારી વિકલ્પ ભારદ્વાજ દ્વારા તપાસના આદેશો કરાયા આ મામલે સી.ટી.એ ડિવિઝન પોલીસ સ્ટેશનમાં ફરિયાદ દાખલ કરવાની પણ સૂચના આપી છે.

DDO વિકાશ ભારદ્વાજ દ્વારા કરાઈ ફરિયાદ
જામનગર જિલ્લા પંચાયતમાં બાંધકામ વિભાગ હેઠળના ઈલેક્ટ્રીક વિભાગની રેકર્ડની ફાઈલ માટે એક અલગ રેકર્ડ રૂમ આવેલો છે, જેમાં વર્ષોથી તમામ સાહિત્ય અકબંધ રાખવામાં આવ્યું છે. જે રેકર્ડ રૂમમાંથી કોઈ પ્રકરણમાં નાયબ કાર્યપાલક ઇજનરે તાજેતરમાં કેટલીક ફાઈલો મંગાવી હતી, જે દરમિયાન રેકર્ડ રૂમમાં સંખ્યાબંધ ફાઈલો ગુમ થઈ ગઈ હોવાનું સામે આવ્યું હતું. જેથી સમગ્ર મામલો જિલ્લા વિકાસ અધિકારી સમક્ષ લઈ જવામાં આવ્યો હતો. આ વાત સાંભળી જિલ્લા વિકાસ અધિકારી વિકલ્પ ભારદ્વાજ પણ ચોંકી ગયા હતા અને તાત્કાલિક તપાસના આદેશ આપ્યા હતા, અને આ મામલે સી.ટી.એ ડિવિઝન પોલીસ સ્ટેશનમાં ફરિયાદ દાખલ કરવાની પણ સૂચના આપી હતી.

સી.ટી.એ ડિવિઝન પોલીસને કામગીરી હાથ ધરી
સમગ્ર મામલે એવી પણ ચર્ચાઓ વહેતી થઇ છે કે બે મહિના પહેલાં કેટલાક શખ્સો રાત્રિના સમયે જિલ્લા પંચાયતની કચેરીમાં આવ્યાં હતા, અને ઈલેક્ટ્રીક વિભાગના રેકોર્ડ રૂમમાંથી ફાઈલો ઉઠાવી ગયા હતા. સરકારી કચેરીમાં આ રીતે રેકર્ડ ગુમ થવાથી સિક્યોરિટી, અધિકારીઓ સહિતનાઓની મોટી બેદરકારી સામે આવી છે. જો કે સમગ્ર મામલે પોલીસ ફરિયાદ થયા બાદ સમગ્ર હકીકત અને કોની કોની મેલીમૂરાદ છે તે સામે આવી શકે છે.