ક્રિકેટ / IND vs ENG: '...અને ખુદને તમે કહો છો વર્લ્ડ ચેમ્પિયન'? ઇંગ્લિશ ટીમને રવિ શાસ્ત્રીએ કેમ સંભળાવી ખરી-ખોટી

• વર્લ્ડ કપમાં પરફોર્મન્સ પર સવાલ 
• રવિ શાસ્ત્રીએ ઈંગ્લેન્ડને લઈને કહી આ વાત 
• ટીમના પરફોર્મન્સને લઈને ઉઠાવ્યા સવાલ

વર્લ્ડ કપ 2023માં ડિફેંડિંગ ચેમ્પિયન ઈંગ્લેન્ડનું પ્રદર્શન શરમજનક રહ્યું છે. વર્લ્ડ કપ 2019ની આ વિજેતા ટીમે ચાર વર્ષમાં આવા હાલની કલ્પના પણ નહી કરી હોય. ઈંગ્લેન્ડ અત્યાર સુધી આ વર્લ્ડ કપમાં પોતાના છમાંથી 5 મેચ હારી ચુકી છે. 

Arguably the best spell of the tournament 💎

How Mohammed Shami dismantled Ben Stokes in a magical spell 🪄#CWC23 | #INDvENG

— ICC (@ICC) October 30, 2023

તે પોઈન્ટ ટેબલ પર સૌથી નીચેના સ્થાન પર છે. ચોંકાવનારી વાત તો એ છે કે નેધરલેન્ડ અને અફઘાનિસ્તારન જેવી ટીમમાં પણ તેનાથી સારી સ્થિતિ છે. ઈંગ્લેન્ડના આ ખરાબ પ્રદર્શન પર ટીમ ઈન્ડિયાના પૂર્વ કોચ રવિ શાસ્ત્રીને ખૂબ ખરી-ખોટી સંભળાવી. 

'...અને ખુદને તમે કહો છો વર્લ્ડ ચેમ્પિયન'? 
ભારત-ઈંગ્લેન્ડ મેચમાં કોમેન્ટ્રી વખતે રવિ શાસ્ત્રીએ કહ્યું, "ઈંગ્લેન્ડ નિશ્ચિત રીતે ખૂબ જ હતાશ હશે. દર્શક, સમર્થક બધા નિરાશ હશે. પહેલી મેચમાં ન્યૂઝીલેન્ડ સામે 17 ઓવર બાકી હતી અને હારી ગયા હતા. દક્ષિણ આફ્રીકાના સામે 20 ઓવરમાં ઓલ આઉટ થઈ ગયા."

Despite India's commanding victory over England, all sides remain in the running for a semi-final berth at #CWC23 😲

Check out the updated state of play for all 10 teams 👇

— ICC (@ICC) October 30, 2023

તેમણે આગળ કહ્યું, "પછી શ્રીલંકાના સામે પણ આ લોકો ફક્ત 30 ઓવરમાં ઓલ આઉટ થઈ ગયા. જવાબમાં શ્રીલંકાએ લક્ષનો પીછો કરતા 25 ઓવરમાં મેચ પુરી કરી નાખી. ભારત સામે 32 ઓવરની અંદર 8 વિકેટ ગુમાવી અને પોતાને વર્લ્ડ ચેમ્પિયન કહો છો? જો આ પોતાના પ્રદર્શન પર દુખી નહીં થાય તો કોણ થશે?" 

શાસ્ત્રીએ એવું પણ કહ્યું કે જો કોઈ પુછે કે ભારત અને ઈંગ્લેન્ડમાં શું અંતર છે તો હું કહિશ કે આ અંતર 8 ટીમોનું છે.