- 10 સપ્ટેમ્બરે એટલે કે આવતીકાલે બની રહ્યો છે ખાસ યોગ
- જ્યોતિષશાસ્ત્ર અનુસાર રવિ પુષ્ય નક્ષત્ર છે સૌથી શુભ
- આ વસ્તુ ખરીદવી ખૂબ જ શુભ માનવામાં આવે છે
જ્યોતિષમાં કુલ 27 નક્ષત્રોનો ઉલ્લેખ કરાયો છે. જે તમામ નક્ષત્રમાં રવિ પુષ્ય નક્ષત્રને સૌથી શુભ માનવામાં આવે છે. આ નક્ષત્ર રવિવાર કે ગુરુવારે જ આવતું હોય છે. ત્યારે જ્યોતિષશાસ્ત્ર અનુસાર આ વખતે રવિ પુષ્ય નક્ષત્ર 10 સપ્ટેમ્બરે એટલે કે આવતીકાલે આવી રહ્યું છે. આ શુભ યોગ કાલે 10મી સપ્ટેમ્બરે સાંજે 05.06 વાગ્યાથી 11મી સપ્ટેમ્બરે રાત્રે 08.01 વાગ્યા સુધી રહેશે. ત્યારે આ સમયગાળા દરમિયાન કેટલીક વસ્તુઓ ખરીદવી શુભ માનવામાં આવે છે. ત્યારે જાણો કઈ વસ્તુ ખરીદવી જોઈએ.
- સોનાને સુખ અને સમૃદ્ધિનું પ્રતીક માનવામાં આવે છે. આથી રવિ પુષ્ય નક્ષત્ર દરમિયાન સોનુ ખરીદવું ખૂબ જ લાભકારી માનવામાં આવે છે અને આ સમયગાળામાં સોનું ખરીદવાથી ઘરમાં સુખ સમૃદ્ધિ વધે તેવી માન્યતા છે.
- આ ઉપરાંત ચાંદીના સિક્કાથી પણ પ્રબળ ધન લાભનો યોગ બને છે. તથા આર્થિક સમસ્યાઓમાંથી છુટકારો મળતો હોવાનું પણ માનવામાં આવે છે. સાથે સાથે આ દિવસે કૃષ્ણ ભગવાનને પીળું ફળ અને મીઠાઈ અર્પણ કરવું પણ આવકારદાયક માનવામાં આવે છે.
- આ ઉપરાંત જો તમે વાહન તથા પ્રોપર્ટી ખરીદવાનું કોઈ આયોજન કરી રહ્યા છો તો પુષ્ય નક્ષત્ર સિવાય વાહન ખરીદવાથી માંડી પ્રોપર્ટી ખરીદવા માટેનો ઉત્તમ સમય બીજે ક્યાંય મળશે નહીં.
- માતા લક્ષ્મીને નાળિયેર સૌથી વધુ પ્રિય હોય છે. આથી પુષ્ય નક્ષત્ર દરમિયાન ઘરમાં નાળિયેર રાખવાથી દેવી લક્ષ્મીની કૃપા મળે છે. આ શુભ નક્ષત્રમાં ઘરમાં નાળિયેર રાખવું જોઈએ.
- બીજી બાજુ જે દિવસે રવિ પુષ્ય યોગ હોય છે તે દિવસે ધાર્મિક વસ્તુઓ ખરીદવાનો પણ ખૂબ જ લાભકારી માનવામાં આવે છે. આવું કરવાથી દિવસેને દિવસે નોકરી ધંધામાં તરક્કી મળે છે.
