- રશ્મિકા મંદાના સાથે 80 લાખની છેતરપિંડી
- રશ્મિકા મંદાનાના મેનેજરે કરી છેતરપિંડી
- છેતરપિંડી કરતા મેનેજરને નોકરીમાંથી કાઢી મુક્યો
સાઉથ અભિનેત્રી રશ્મિકા મંદાના છેલ્લે હિંદી થ્રિલર ફિલ્મ ‘મિશન મજનૂ’માં જોવા મળી હતી. હાલમાં અભિનેત્રી રશ્મિકા મંદાના ફિલ્મ ‘પુષ્પા 2’માં કામ કરવામાં વ્યસ્ત છે. ઘણા સમયથી રશ્મિકા મંદાના સાથે કામ કરનાર મેનેજરે રશ્મિકા મંદાના સાથે 80 લાખની છેતરપિંડી કરી છે. આ ઘટના સામે આવ્યા પછી રશ્મિકા મંદાનાએ તેના મેનેજરને નોકરીમાંથી કાઢી મુક્યો છે. રશ્મિકા મંદાનાના કરિઅરની શરૂઆતથી આ મેનેજર અભિનેત્રી સાથે જોડાયેલો હતો.
મીડિયા રિપોર્ટ અનુસાર મેનેજરે રશ્મિકા મંદાના સાથે 80 લાખની છેતરપિંડી કરી છે. રશ્મિકાએ આ બાબતે કોઈ અધિકૃત નિવેદન આપ્યું નથી. સૂત્રો પરથી જાણવા મળ્યું છે કે, ‘રશ્મિકાના મેનેજરે રશ્મિકા સાથે 80 લાખની છેતરપિંડી કરી છે. તે આ બાબતે કોઈ સીન ક્રિએટ કરવા માંગતી નહોતી. આ કારણોસર મેનેજરને તેની પોસ્ટ પરથી કાઢી મુકીને આ બાબત ત્યાં જ પતાવી દીધી.’
રશ્મિકા કઈ ફિલ્મમાં જોવા મળશે
અભિનેત્રી રશ્મિકા મંદાના આવનારી ફિલ્મ ‘એનિમલ’માં જોવા મળશે. આ ફિલ્મનું ડાયરેક્શન સંદીપ રેડ્ડી વાંગાએ કર્યું છે. આ ફિલ્મમાં રણબીર કપૂર, અનિલ કપૂર અને બોબી દેઓલ પણ જોવા મળશે. આ ફિલ્મ 11 ઓગસ્ટના રોજ બોક્સ ઓફિસ પર રિલીઝ થશે. રશ્મિકા હાલ ‘પુષ્પા: ધ રૂલ ફ્રેન્ચાઈઝી’ના શુટીંગમાં વ્યસ્ત છે. રશ્મિકા આ ફિલ્મમાં શ્રીવલ્લીની ભૂમિકા ભજવી રહી છે અને આ ફિલ્મમાં અલ્લુ અર્જુન પણ છે.
ફેને રશ્મિકા મંદાનાને કરી હતી વિનંતી
થોડા મહિના પહેલા એક ફેને રશ્મિકાને શ્રીવલ્લીના પાત્રને વધુ મજબૂત અવે અસરકારક રીતે ભજવવા માટે કહ્યું હતું. રશ્મિકાએ આ ટ્વિટના જવાબમાં જણાવ્યું હતું કે, ‘તેને પણ આ પ્રકારની જ આશા છે.’ પહેલો પાર્ટ તેલુગુમાં શુટ કરવામાં આવ્યો. ફિલ્મ ‘પુષ્પા’ને ડબ કરીન હિંદી, તમિલ, મલયાલમ અને કન્નડમાં રિલીઝ કરવામાં આવી હતી. પાંચ ભાષાઓમાં રિલીઝ થનાર અલ્લુ અર્જુનની આ પહેલી ફિલ્મ છે.
