- આદિપુરુષનાં રિલીઝ બાદ લોકોને યાદ આવી 'રામાયણ'
- રામાનંદ સાગરની રામાયણને આદિપુરષ ન આપી શકી ટક્કર
- રામાયણનો પહેલો એપિસોડ 1987માં રિલીઝ થયો હતો
રામાનંદ સાગરની 'રામાયણ'માં અરુણ ગોવિલે તો ઓમ રાઉતની ફિલ્મ આદિપુરુષમાં પ્રભાસે રામનું પાત્ર ભજવ્યું છે. બંનેની ભાષાથી લઈને લૂકમાં જમીન-આસમાનનો ફરક છે. લોકોએ રામાનંદ સાગરની રામાયણનાં પાત્રોને તો ભગવાનનો દરજ્જો આપ્યો હતો. પરંતુ પ્રભાસ અને કૃતિ સેનન જૂની લોકપ્રિય રામાયણનાં પાત્રોને ટક્કર આપવામાં નિષ્ફળ રહ્યાં.
ક્યારે થયું હતું 'રામાયણ'નું પ્રસારણ?
રામાનંદ સાગરની રામાયણનો પહેલો એપિસોડ 25 જાન્યુઆરી, 1987નાં રિલીઝ થયો હતો. તેના દરેક એપિસોડ 45 મીનિટનાં રહેતાં હતાં. આજે પણ આ સિરીયલનાં તમામ એપિસોડ્સ YOUTUBE પર ઉપલબ્ધ છે.
'રામાયણ'નું કેટલું હતું બજેટ?
માહિતી અનુસાર રામાયણ સીરિયનું બજેટ 9 લાખ રૂપિયા હતું અને એક એપિસોડથી આશરે 40 લાખ રૂપિયાની કમાણી થઈ હતી. એટલું જ નહીં 78 એપિસોડ્સની સીરિયલમાં આશરે 7 કરોડ રૂપિયા ખર્ચ થયાં હતાં અને નફો હતો 31 કરોડ 4 લાખ રૂપિયા.
કેટલા દિવસમાં શૂટ થઈ 'રામાયણ'?
આ સીરિયલનાં પહેલા એપિસોડની શૂટિંગ 15 દિવસથી વધારે ચાલી હતી. આ સમગ્ર સીરિઝની શૂટિંગ લગભગ 550 દિવસો સુધી ચાલી હતી. આ સીરિયલની શૂટિંગનું મૂળ સેટ ગુજરાતમાં સ્થિત ઉંબરગામમાં બનાવવામાં આવ્યું હતું. જો કે કેટલાક સીન અલગ અલગ લોકેશન પર શૂટ કરવામાં આવ્યાં હતાં.
રામાયણનાં નામે કેટલા એવોર્ડસ્ છે?
રામાયણની' મેથલોજિકલ સીરિયલ'નાં રૂપમાં જૂન 2003માં લિમ્કા બુક રેકોર્ડમાં નોંધણી થઈ છે. આ સિવાય અલગ અલગ 55 દેશોમાં આ સીરિયલનું ટેલીકાસ્ટ કરવામાં આવ્યું છે.
રામાયણનાં રામસેતૂની શૂટિંગ રિયલ હતી
રામાયણમાં રામસેતૂવાળા સીનને ચેન્નઈમાં શૂટ કરવામાં આવ્યો હતો. મેકર્સ તેને સાફ, બ્લૂ પાણીમાં શૂટ કરવા ઈચ્છતાં હતાં જે શૂટ લોકેશન પર ઉપલબ્ધ નહોતું તેથી ટીમ ચેન્નઈ પહોંચી હતી.
