જય જય શ્રી રામ / BIG BREAKING: અયોધ્યામાં 22 જાન્યુઆરીએ થશે શ્રી રામ ભગવાનની પ્રાણ પ્રતિષ્ઠા, PM મોદી થશે સહભાગી

• 22 જાન્યુઆરીએ રામલલાનો પ્રાણ પ્રતિષ્ઠા અભિષેક થશે
• ભવ્ય કાર્યક્રમમાં PM મોદી હાજરી આપશે
• PM મોદીએ સોશિયલ મીડિયા પર પોસ્ટ કરી 

રામલલાની પ્રાણ પ્રતિષ્ઠા 22 જાન્યુઆરી 2024ના રોજ અયોધ્યામાં થશે. આ કાર્યક્રમમાં પીએમ નરેન્દ્ર મોદી ભાગ લેશે. શ્રી રામ જન્મભૂમિ ટ્રસ્ટના મહાસચિવ ચંપત રાયે આ માહિતી આપી હતી. આ અંગે પીએમ મોદીએ સોશિયલ મીડિયા પર પોસ્ટ પણ કરી છે. તેમણે કહ્યું કે શ્રી રામ જન્મભૂમિ તીર્થ ક્ષેત્ર ટ્રસ્ટના અધિકારીઓ તેમને મળવા આવ્યા હતા અને તેમને તેમની પ્રાણ પ્રતિષ્ઠાના અભિષેક માટે અયોધ્યા આવવા આમંત્રણ આપ્યું હતું. પીએમ મોદીએ કહ્યું કે તેઓ આ ઐતિહાસિક પ્રસંગના સાક્ષી બનવા માટે ભાગ્યશાળી છે. પીએમ મોદીએ ટ્વિટર પર લખ્યું, આજનો દિવસ લાગણીઓથી ભરેલો છે. હમણાં જ શ્રી રામ જન્મભૂમિ તીર્થ ક્ષેત્ર ટ્રસ્ટના અધિકારીઓ મને મારા નિવાસસ્થાને મળવા આવ્યા હતા. તેઓએ મને શ્રી રામના અભિષેક પ્રસંગે અયોધ્યા આવવા કહ્યું. મને આમંત્રણ આપવામાં આવ્યું છે. હું ખૂબ જ ધન્ય અનુભવું છું. એ મારું સૌભાગ્ય છે કે મારા જીવનકાળમાં હું આ ઐતિહાસિક પ્રસંગનો સાક્ષી બનીશ.

 

जय सियाराम!

आज का दिन बहुत भावनाओं से भरा हुआ है। अभी श्रीराम जन्मभूमि तीर्थ क्षेत्र ट्रस्ट के पदाधिकारी मुझसे मेरे निवास स्थान पर मिलने आए थे। उन्होंने मुझे श्रीराम मंदिर में प्राण-प्रतिष्ठा के अवसर पर अयोध्या आने के लिए निमंत्रित किया है।

मैं खुद को बहुत धन्य महसूस कर रहा… pic.twitter.com/rc801AraIn

— Narendra Modi (@narendramodi) October 25, 2023

પ્રધાનમંત્રી નરેન્દ્ર મોદી સૌથી પહેલા આરતી ઉતારશે

રામ મંદિરમાં ભગવાન રામલલાને બિરાજમાન કરવા માટે તિથિ ને મુહૂર્ત નક્કી કરવામાં આવ્યા છે. 16થી 24 જાન્યુઆરી દરમિયાન પ્રાણ પ્રતિષ્ઠા માટે અનુષ્ઠાન કરવામાં આવશે. અભિજીત મુહૂર્તમાં રામલલા મૂળ ગર્ભગૃહમાં સિંહાસન પર બિરાજમાન હશે. દક્ષિણ અને ઉત્તર ભારતના 51 વૈદિક આચાર્ય અનુષ્ઠાન કરશે. આ દરમિયાન રામલલાને ગાય અને ગજ દર્શન કરવામાં આવશે. પ્રાણ પ્રતિષ્ઠા પહેલા રામલલા પાલકી યાત્રાથી નગર ભ્રમણ માટે નીકળશે. રામલલા બિરાજમાન થયા પછી પ્રધાનમંત્રી નરેન્દ્ર મોદી સૌથી પહેલા આરતી ઉતારશે. આ દરમિયાન દેશ-વિદેશના મહેમાન અને સાધુ સંતો હાજર રહેશે. રામ મંદિરનું ઉદઘાટન કોણ કરશે, તે નક્કી કરવામાં આવ્યું નથી. 

દરરોજ 6 વાર રામલલાની આરતી કરવામાં આવશે

રામજન્મભૂમિ તીર્થ ક્ષેત્ર ટ્રસ્ટના મહાસચિવ ચંપતરાયે જણાવ્યું છે કે, દેશના કેટલાક ધર્માચાર્યો સાથે ચર્ચા કર્યા પછી રામલલાની નિત્ય પૂજા અર્ચનાની વ્યવસ્થા કરવામાં આવી છે. કારસેવકપુરમમાં તીર્તક્ષેત્ર ટ્ર્સ્ટની બેઠક દરમિયાન રામલલાની પૂજા અર્ચનાના ક્રમમાં કેટલાક મહત્ત્વપૂર્ણ સૂચન આપવામાં આવ્યા છે. રામલલાનો દરરોજ સરયૂ જળથી અને પંચામૃતથી અભિષેક કરવામાં આવશે. સરયૂ જળ લાવવાની વ્યવસ્થા બાબતે પણ વિચારણાં કરવામાં આવશે. રામલલાની પ્રાણ પ્રતિષ્ઠા પછી દરરોજ છ આરતી કરવામાં આવશે. પહેલી આરતી રામલલાને જગાડવાની સાથે, બીજી આરતી સ્નાન કર્યા પછી, ત્રીજા આરતી રાજભોગ સમયે, ચોથી આરતી બપોરે રામલલાને જગાડવાની સાથે, પાંચમી આરતી સાંજે અને છઠ્ઠી આરતી રામલલાના સૂવા સમયે કરવામાં આવશે. રામ મંદિરમાં તહેનાત થનાર પૂજારીને પણ તાલીમ આપવામાં આવશે. દરરોજ વેદ મંત્રોના ઉચ્ચારણ પછી ગજ અને ગૌદર્શન કરાવવામાં આવશે.

રામ મંદિરનું નિર્માણ પુરજોશમાં 

અયોધ્યામાં રામ મંદિરનું નિર્માણ પુરજોશમાં ચાલી રહ્યું છે.. મંદિરની કામગીરી લગભગ પૂર્ણતાના આરે છે ત્યારે રામ જન્મભૂમિ તીર્થ ક્ષેત્ર ટ્રસ્ટે મહેમાનોને અયોધ્યામાં અભિષેક સમારોહ માટે વહેલા પહોંચવા અને PM મોદીના આગમન પહેલા રામ લલ્લાની પૂજા કરવાની સૂચના આપી છે. મંદિર ટ્રસ્ટ આગામી જાન્યુઆરીમાં અયોધ્યામાં રામ લાલાના અભિષેક સમારોહમાં આમંત્રિત કરવા માટે અગ્રણી લોકોની યાદી તૈયાર કરી રહ્યું છે. આ યાદીમાં રમતગમત જગતના લોકો, ભૂતપૂર્વ સૈન્ય કર્મચારીઓ અને IPS અધિકારીઓનો સમાવેશ થાય છે. રામ મંદિર આંદોલન દરમિયાન મૃત્યુ પામેલા લોકોના પરિવારના સભ્યો અને દેશના મુખ્ય મંદિરોના પ્રતિનિધિઓ ઉપરાંત આ યાદીમાં અનુસૂચિત અને અનુસૂચિત જનજાતિ સમુદાયના અગ્રણી સભ્યોનો પણ સમાવેશ કરવામાં આવ્યો છે જેમને મેગા ફંક્શન માટે આમંત્રિત કરવામાં આવશે.. આ ઉપરાંત ભારતભરમાંથી 4 હજાર સંતો આવવાના છે.

ભવ્ય મહોત્સવ,દિવ્ય ઉત્સવ

• જાન્યુઆરીમાં રામમંદિરમાં રામલલ્લાની થશે પ્રતિષ્ઠા 
• 15થી 24 જાન્યુઆરી વચ્ચે અનુષ્ઠાન થશે
• 22મીએ થશે રામલ્લાની પ્રાણપ્રતિષ્ઠા
• 22મીએ PM મોદી અયોધ્યામાં રહશે

કેટલા અતિથિઓને આમંત્રણ?

• પ્રાણપ્રતિષ્ઠા મહોત્સવમાં 8 હજાર લોકોને અપાશે આમંત્રણ
• આમંત્રિત મહેમાનોની યાદી બનાવવામાં આવી છે 
• તમામ જ્ઞાતિ-જાતિના લોકો સંતો અને નેતાઓને આમંત્રણ અપાશે
• વિદેશથી પણ અતિથિઓ આવે તેવી શકયતા છે

દર્શન માટેની વ્યવસ્થા કેવી?

• 12 કલાકમાં 70 હજારથી 75 હજાર લોકો કરી શકશે દર્શન
• એક મિનિટ સુધી ભક્ત રામલલ્લાના દર્શન કરી શકશે
• દિવસમાં 1 લાખ 25 હજાર ભક્તોની ભીડ હશે તો 20 સેકન્ડ થઇ શકશે દર્શન

દાન માટે શું આયોજન?

• 4 લાખ ગામના પ્રવાસનું પણ આયોજન
• ભક્તો પાસેથી દાન એકઠું કરાશે 
• અત્યાર સુધી મંદિરને 3500 કરોડનું મળ્યું છે દાન
• મંદિરમાં 3 પ્રતિમાની પ્રતિષ્ઠા કરાશે
• રામમંદિર આસપાસ પણ કામ તેજીથી ચાલી રહ્યું છે
• યુપી સરકાર 263 પ્રોજેક્ટ પર કરી રહી છે કામ
• 30 હજાર 923 કરોડનો ખર્ચ થશે

સૂર્યતિલક માટે વિજ્ઞાનનો સહારો!

• મંદિર પર લગાવાયું છે એક વિશેષ ઉપકરણ
• રામનવમીના દિવસે સૂર્યના કિરણો ભગવાન રામના માથા પર રહેશે
• બેંગાલુરૂના વૈજ્ઞાનિકો બનાવી રહ્યાં છે ઉપકરણ