તપાસ / રાજકોટ નગ્નકાંડમાં કમકમિયા આવી જાય તેવો ખુલાસો, સસરાએ હોટેલમાં તૈયાર કર્યો હતો સ્પેશિયલ રૂમ, સેક્સકાંડ બહાર આવે તેવા ભણકારા

• રાજકોટમાં ન્યૂડ વીડિયોકાંડનો મામલો
• પોલીસે આરોપીને કોર્ટ સમક્ષ કર્યા રજૂ
• કોર્ટ દ્વારા 3 દિવસના રિમાન્ડ મંજુર કરાયા

રાજકોટમાં પુત્રવધુના ન્યૂડ વીડિયો સાઇટ પર અપલોડ કરવાના ચકચારી કેસમાં મોટા ધડાકાભડાકા થયા છે. આ સમગ્ર મામમો ગત 13 ઓગસ્ટના રોજ બહાર આવ્યો હતો. જોકે આ અગાઉ 8 ઓગસ્ટના રોજ પુત્રવધુના માવતર પક્ષના સભ્યોએ પતિને બેફામ માર માર્યો હતો. પતિ સમાધાન કરવા ગયો હતો. આ વેળાએ મારઝૂડ કરી હોવાનું બહાર આવ્યું છે જોકે આ મામલે ફરિયાદ નોંધાઇ નથી. હાલ પુત્રવધુને ન્યૂડ વીડિયો બનાવવા દબાણ કરનારા આરોપીઓને ધરપકડ બાદ કોર્ટમાં રજૂ કરાયા હતા. કોર્ટ દ્વારા ત્રણ દિવસના રિમાન્ડ મંજુર કરાયા છે.

રાજકોટની એક પુત્રવધુએ તેના પતિ, સાસુ સસરા સામે આંચકાજનક ફરિયાદ નોંધાવ્યા બાદ સમગ્ર મામલો બહાર આવ્યો હતો. પરિણીતાએ સસરા સામે આક્ષેપો કર્યા હતા. કે સસરાએ તેણીના રૂમમાં સીસીટીવી કેમેરા ગોઠવ્યા હતા અને પોતાની અંગત પળોના વીડિયો જોતા હતા. સસરાએ તમામ હદ વટાવી પરિણીતાને પોતાના ન્યૂડ વીડિયો બનાવી ઓનલાઈન અપલોડ કરવા અને બીટકોઈન મારફતે કમાણી કરવાની પણ માંગ કરી હોવાના આરોપ લાગી રહ્યા છે.

માવતર પક્ષના સભ્યોએ માર માર્યો હતો

પુત્રવધુએ એવી પણ રાવ કરી હતી કે મેં ન્યૂડ વીડિયોની ના પાડતા સસરા મારા પર ગુસ્સે થયા હતા અને પરિવારને મદદ કરવાનું કહીને ઇમોશનલ બ્લેકમેઇલ કરી હતી. જેથી મેં હા પાડી હતી. બાદમાં પતિએ પણ સસરાની વાતનો ઇનકાર ન કરવા કહ્યું હતું. જો ના પાડીશ તો મારી નાખવાની ધમકી પણ આપી હતી. બાદમાં પુત્રવધુ માવતરે ચાલી ગઈ હતી. આ વેળાએ 8 ઓગષ્ટે પતિ પરિણીતાને તેડવા જતા મામાજી અને માવતર પક્ષના સભ્યોએ માર માર્યો હોવાનું પણ બહાર આવ્યું છે. 

ટેક્નિકલ પુરાવા એકત્રિત કરવા સહિતની દિશામાં કાર્યવાહી
બાદમાં પતિએ સારવાર લઈ અને ફરિયાદના ગાણા ગાયા હતા. પરંતુ કોઈ કારણસર ફરિયાદ નોંધાઇ નથી. હાલ પોલીસે ન્યૂડ વીડિયો કાંડના આરોપીઓને પકડી પાડી કોર્ટમાં રજુ કરાતા આરોપીઓના ત્રણ દિવસના રિમાન્ડ મંજુર થયા છે. આ દરમિયાન ટેક્નિકલ પુરાવા એકત્રિત કરવા સહિતની દિશામાં પોલીસ તપાસ હાથ ધરી રહી છે. જેમાં આગામી સમયમાં નવા ધડાકાભડાકા થઈ શકે છે.