ચિંતા / આજે ક્રિકેટમાં સૌથી મોટો જંગ: ભારત-પાકિસ્તાન મેચમાં વરસાદની કેવી ભવિષ્યવાણી? આ મેચ ધોવાશે તો શું થશે, રિઝર્વ ડે ખરો?

• મેચમા વરસાદ વેરી બને તો નવાઈ નહિ!
• અમદાવાદના હવામાન કેન્દ્રના ડાયરેક્ટર મનોરમા મોહંતીએ કરી આગાહી
• તો મેચની મજા બગડી શકે છે

એક બાજુ રાજ્યમાં વરસાદ અંગે હવામાન વિભાગ દ્વારા વાર્તારો વ્યક્ત કરાયો છે. તો બીજી બાજુ ક્રિકેટરસિકો માટે સૌથી મોટા પર્વ સમાન આજે ભારત પાકિસ્તાન વચ્ચે મેચ યોજાવા જઇ રહી છે. જેને લઈને લોકોનું ધ્યાન હવામાન વિભાગના અપડેટ પર રહેશે. તેમાં પણ વરસાદનું જોર વધુ જોવા મળતા ક્રિકેટના ચાહકોની મજા બગડે તો નવાઈ નહિ!

ભારત-પાકિસ્તાન મેચમાં વરસાદની ભવિષ્યવાણી
હવામાન વિભાગે આજે શનિવારે અમદાવાદ અને ઉત્તર ગુજરાતમાં હળવા વરસાદની આગાહી વ્યક્ત કરી છે. ભારતીય હવામાન વિભાગ દ્વારા જાહેર કરાયેલા વિગત અનુસર 14 અને 15 ઓક્ટોબરે ઉત્તર ગુજરાત અને અમદાવાદના જિલ્લાઓમાં છૂટોછવાયો વરસાદ પડી શકે છે. જેને લઈને જૂનાગઢ, જામનગરના કાલાવડ પંથક ભાવનગરના અમુક વિસ્તારોમાં ગઈકાલે વરસાદ પડ્યો પણ હતો. જેને લઈને ખેડૂતોની સાથે સાથે ક્રિકેટરસિકો પણ મુંજાયા છે.અમદાવાદના હવામાન કેન્દ્રના ડાયરેક્ટર મનોરમા મોહંતીએ કહ્યું કે ગુજરાતમાં આગામી પાંચ દિવસમાં હવામાન સૂકું રહે તેવા અણસાર છે પરંતુ અમદાવાદ અને બનાસકાંઠા, સાબરકાંઠા અને અરવલ્લી જિલ્લામાં છૂટોછવાયા વરસાદની પણ શકયતા છે. 

આ મેચ ધોવાશે તો ? 
નોંધનિય છે કે વર્લ્ડ કપમાં ગ્રુપ મેચો માટે કોઈ રિઝર્વ ડે રખાયો નથી. આથી જો હવે આજે વરસાદ ત્રાટકે કે કોઈ બીજા કારણોસર આજે  14 ઓક્ટોબરે ભારત-પાકિસ્તાન મેચમાં વિઘ્ન આવે અને પરિણામ જાહેર ન થાય તો બંને ટીમોને એક-એક પોઈન્ટ મળશે.બાકી આ શ્રેણીના સેમિફાઇનલ અને ફાઇનલ મેચો માટે રિઝર્વ ડે રખાયો છે. જો સેમી ફાઈનલ મેચ રિઝર્વ ડે પર પણ પૂરી ન થાય તો પોઈન્ટ ટેબલમાં સારી સ્થિતિ ધરાવતી ટીમ ફાઈનલ માટે ક્વોલિફાય થઈ જશે. પરંતુ આજે વરસાદના કારણે ફાઇનલ મેચ પૂર્ણ નહીં થાય તો બંને ટીમોને સંયુક્ત વિજેતા જાહેર કરવામાં આવશે.