- રાહુ-કેતુના પ્રભાવને કારણે આ રાશિના જાતકોને માથે મોટી ઉપાધી
- સાવધાની સાથે વેપાર કરવો જોઈએ
- નવેમ્બર-ડિસેમ્બર મહિનામાં થઈ શકે છે અચાનક મોટી સમસ્યા
રાહુ અને કેતુ રાશિ પરિવર્તન કરવા જઈ રહ્યા છે. આગામી તારીખ 30 ઓક્ટોબરના રોજ રાહુ મીન રાશિમાં અને કેતુ કન્યા રાશિમાં ગોચર કરશે. આ રાશિ પરિવર્તનને લઈને અમુક લોકોના જીવનમાં મોટી સમસ્યાઓ આવી શકે છેમ આથી વેપારીઓ સહિતના તમામ વર્ગના લોકોએ સાવધાની સાથે સામનો કરવો પડશે. રાશિ પરિવર્તનને લઈને નવેમ્બર અને ડિસેમ્બરમાં એકાએક મોટી મુશ્કેલીઓનો સામનો કરવાનો વારો આવે તો નવાઈ નહિ!
રાહુ અને કેતુના રાશિ પરિવર્તનને લઈ વૃશ્ચિક રાશિના લોકોને મુશ્કેલી ભોગવવાનો વારો આવશે. આ રાશિના જાતકોના કાર્યસ્થળ પર મુશ્કેલી વધશે અને ઓફિસમાં સહકર્મી સાથે વિવાદ થાય તેવી ભીતિ હોવાથી ઓફિસમાં કામ કરતી વેળાએ કામ પર ફોકસ રાખવું પડશે. કામમાં પણ કોઈ ભૂલ ન થાય તે રીતે ચીવટતાથી કરવું જોઈએ. કારણ કે આ સમયગાળા દરમિયાન ઠપકો પણ સાંભળવો પડી શકે છે. ઊંચો હોદો ધરાવતા લોકોને પણ મુશ્કેલી પડી શકે છે.
પ્રોપર્ટીનમાં રોકાણ કરવા ઈચ્છતા લોકોએ થોડી રાહ જોવી
રાહુ-કેતુના પ્રભાવથી વેપારીઓને પણ આર્થિક નુકસાન જાય તેવા ભણકારા વાગી રહ્યા છે. વેપારીઓએ સાવધાની સાથે વેપાર કરવો જોઈએ અને ખાસ નવેમ્બર અને ડિસેમ્બર મહિનામાં એકાએક મોટી મુશ્કેલી પણ આવી શકે છે. આવી મુશ્કેલીને કારણે કોર્ટના ધક્કા ખાવા પડી શકે તેવી પણ સ્થિતિનું નિર્માણ થઈ શકે છે. પરંતુ તેમાં તમારો વિજય પણ થશે. વેપારીઓએ નવું કામ હાથમાં લેતા પહેલા તપાસી લેવું જોઈએ અને પ્રોપર્ટીનમાં રોકાણ કરવા ઈચ્છતા લોકોએ થોડી રાહ જોવી અને શેરબજારમાં ડીલ કરતા પહેલા સાવધાની રાખવી જરૂરી છે.
આ ઉપરાંત સ્પર્ધાત્મક પરીક્ષાની તૈયારી કરતા વિદ્યાર્થીઓને સફળતા મળી શકે છે પરંતુ તેમણે ખૂબ પરસેવો પાડવો જોશે. નોકરી શોધતા લોકોને પણ સંઘર્ષ પછી સફળતા મળશે અને અપરણીત લોકોના લગ્નના સંજોગો પણ વર્તાશે. આ ઉપરાંત પરિવારમાં બાળકો તરફથી સારા સમાચાર તેમજ જીવનસાથી સાથે સારા સંબંધો બને તેવા પણ યોગ દેખાઈ રહ્યા છે.
