વિકૃત આનંદ / '**#@ ભાભી **#@ સાથે ચાલુ છે..' જસદણમા 10,20,50ની ચલણીનોટમા બિભત્સ લખાણ લખી શખ્સ મહિલાઓના ઘરમા ફેંકતો

• જસદણમાં માનસિક વિકૃત શખ્સનો આતંક સામે લોકોમાં રોષ
• ચિતલીયા વિસ્તારમાં મહીલાઓને શખ્સ પરેશાન કરતો હોવાનો આક્ષેપ 
• 10 વર્ષથી મહિલાઓને બદનામ કરવાની હરકતો કરતો હોવાનો આક્ષેપ 

રાજકોટના જસદણ શહેરમાં માનસિક વિકૃત વ્યક્તિના ત્રાસનો કિસ્સો સામે આવ્યો છે. જસદણમાં ચિતલીયા રોડ પર છેલ્લા 10 વર્ષથી વિકૃત મગજનો માણસ 10,20 અને 50 રૂપિયાની ચલણી નોટો પર બીભત્સ લખાણ લખીને મહિલાઓના ઘરમાં નાખવાની હરકત કરી હતી. જેને પગલે સ્થાનિકો લોકો પરેશાન થઈ ગયા છે. એટલું જ નહીં આ વ્યક્તિનો છેલ્લા 10 વર્ષથી ત્રાસ શરૂ હોવાનો સ્થાનિકોએ દાવો કર્યો છે. આખરે સ્થાનિકોએ કંટાળી પોલીસનો સહારો લઈ ફરિયાદ નોંધાવી છે.

મહિલાઓને બદનામ કરવા એક અજાણ્યો શખ્સ અવારનવાર ચલણી નોટોમાં અને કાગળમાં અતિ બીભત્સ શબ્દો લખેલી ચિઠ્ઠીઓ નાખી રહ્યો છે, વિકૃત મગજનો આ શખ્સ વિસ્તારના 200 જેટલા ઘરમાં મહિલાઓના નામ ચલણી નોટો અને કોરા કાગળમાં ચિઠ્ઠીઓ લખી બદનામ કરી રહ્યો છે. આ શખ્સ રૂ.10 ની નોટ, રૂ.20 ની નોટ અને રૂ.50 ની નોટમાં તેમજ અમુક ચિઠ્ઠીઓ સાદા કાગળમાં લખીને નાખતો હોવાના પુરાવાઓ મહિલાઓએ પોલીસ સ્ટેશને રજુ કરતા ચકચાર મચી ગઈ હતી. 

શરમજનક બાબત અંગે પોલીસમાં જાણ કરાઈ

 આ શરમજનક કિસ્સા અંગે આજદિન સુધી વિસ્તારની મહિલાઓ પોતાની બદનામી થવાના ડરથી કોઈને કહેતી ન હતી. પરંતુ એક અજાણ્યા વિકૃત માનસિકતા ધરાવતા શખ્સે પોતાની હદ વટાવી દેતા મહિલાઓ ભારે મુંજવણમાં મુકાઈ ગઈ હતી. જેથી ઉમિયાનગર વિસ્તારના આગેવાનોની હાજરીમાં આ શરમજનક બાબત અંગે પોલીસમાં જાણ કરાઈ હતી. પોલીસ અધિકારોઓ પણ ચોંકી ઉઠ્યા હતા. હાલ આ બનાવમાં જસદણ પોલીસે મહિલાઓની રજૂઆતના પગલે આગળની કાર્યવાહી હાથ ધરી છે.

મહિલાઓને ઘર બહાર નીકળવું મુશ્કેલ
લેખિત રજુઆતમાં જણાવ્યું છે કે, અમારા વિસ્તારની મહિલાઓને બદનામ કરવા માટે કોઈ અજાણ્યો શખ્સ નામજોગ ચિઠ્ઠીઓ ઘરમાં નાખી બદનામ કરવા બીભત્સ ભાષાનો ઉપયોગ કરે છે.આ શખ્સથી કંટાળી મહિલાઓને ઘરની બહાર નીકળવું મુશ્કેલ થઈ ગયું છે. અમારી પાસે તેની ચીઠ્ઠીઓ અને નોટો સહિતના તમામ પુરાવાઓ છે. 

એકબીજાના ઘરે આવવા-જવાના વ્યવહાર પણ બંધ થયા

આ વ્યક્તિએ ચલણી નોટોમાં આવું બીભત્સ લખાણ કર્યું હોવાથી તેણે લક્ષ્મીજીનું અપમાન કર્યું હોવાની પણ રાવ ઉઠી છે. આ વ્યક્તિ અવારનવાર સામસામા આજુબાજુવાળાના નામ લખી આરોપ લગાવતો હોવાથી અનેક લોકોના એકબીજાના ઘરે આવવા-જવાના વ્યવહાર પણ બંધ થઈ ગયા છે. આ શખ્સ ચિઠ્ઠીમાં છેલ્લે લીખીતનમાં પણ ખોટું નામ લખે છે. જેથી વેરઝેર ઉભા થાય છે. જેની સામે આકરામા આકરી કાર્યવાહી કરવામાં આવે તેવી માંગ ઉઠી છે.