મિશન સૂર્ય / ચંદ્રયાન બાદ હવે મિશન સૂર્યની તૈયારીઓ પૂરજોશમાં, ISROએ ફોટો શેર કરીને આપી નવી અપડેટ

 

PSLV-C57/Aditya-L1 Mission:
The preparations for the launch are progressing.

The Launch Rehearsal - Vehicle Internal Checks are completed.

Images and Media Registration Link https://t.co/V44U6X2L76 #AdityaL1 pic.twitter.com/jRqdo9E6oM

— ISRO (@isro) August 30, 2023

• સૂર્ય મિશનના લોન્ચિંગને લઇને અમે સંપૂર્ણ રીતે તૈયાર છીએ :ISRO
• તૈયારી અને રિહર્સલ પુર્ણ
• સૂર્ય મિશનને 2 સપ્ટેમ્બરના સવારે થશે લોન્ચ

સૂર્ય મિશનના લોન્ચિંગની તારીખ નજીક આવતાં જ ઇસરોએ તૈયારીઓ ઝડપી બનાવી દીધી છે. તેને લઇને ઇસરોએ ટ્વીટર પર એક પોસ્ટ કરતાં નવી માહિતી પણ આપી દીધી છે. ઇસરોએ જાણકારી આપતાં જણાવ્યું કે સૂર્ય મિશનના લોન્ચિંગને લઇને અમે સંપૂર્ણ રીતે તૈયાર છીએ. ચંદ્રયાન - 3ના સફળ લોન્ચિંગ બાદ ઇસરોએ જણાવ્યું કે છે PSLV-57 અથવા આદિત્ય-L1 મિશનના લોન્ચિંગની તૈયારી ચાલી રહી છે. લોન્ચ રિહર્સલ અને વાહનની આંતરિક તપાસ પણ પૂર્ણ થઇ ચૂકી છે. 

ઇસરોએ લોન્ચિંગનું કર્યું રિહર્સલ

સૂર્યનું અધ્યયન કરવા માટે લોન્ચ કરવામાં આવનાર પોતાના નવા મિશન આદિત્ય-એલ1 પર અપડેટ આપતા ઇસરોએ કહ્યું કે લોન્ચ રિહર્સલ અને રોકેટની આંતરિક તપાસ પુર્ણ થઇ ચૂકી છે. 

ક્યારે લોન્ચ થશે સૂર્ય મિશન ?

ઉલ્લેખનીય છે કે સૂર્ય મિશનને 2 સપ્ટેમ્બરના સવારે 11 વાગ્યે 50 મિનિટે શ્રીહરિકોટા સ્પેસ સેન્ટરમાંથી લોન્ચ કરવામાં આવનાર છે. આદિત્ય-એલ1 અંતરિક્ષ યાનનો ઉદ્દેશ્ય ધરતીથી 15 લાખ કિલોમીટર દૂર એલ1 (લેંગરેજ પોઇન્ટ)ની ચારે બાજુની કક્ષામાંથી સૂર્યનું અધ્યયન કરવાનું છે. આ યાન ફોટોસ્ફેયર (એટલે કે એવો ભાગ જે આપણેને દેખાય છે), ક્રોમોસ્ફેયર (ફોટોસ્ફેયરનો ઉપરનો ભાગ) અને સૂર્યની સૌથી બહારની લેરનું નિરિક્ષણ કરવા માટે સાત પેલોડ લઇ જશે.

પીએસએલવી પ્રક્ષેપણ યાનને લઇને ખગોળશાસ્ત્રી અને પ્રોફેસર ડો. આરસી કપૂરે જણાવ્યું કે આ મિશન માટે પીએલએલવી રોકેટનો ઉપયોગ સારો નિર્ણય છે. તેનો ઉપયોગ મોટાભાગના મિશન માટે કરવામાં આવ્યો છે. પીએસએલવી પૃથ્વી કક્ષામાં લગભગ 3200 કિલોગ્રામ સુધી લઇ જઇ શકે છે.