કાર્યવાહી / સુરતમાં સ્પાની આડમાં ચાલતા દેહ વેપારનો પર્દાફાશ, થાઈલેન્ડની મહિલાને પોલીસે મુક્ત કરાવી, સંચાલક વૉન્ટેડ જાહેર

• સુરતમાં સ્પાની આડમાં ચાલતા દેહ વ્યાપારનો પર્દાફાશ
• ડુમસ રોડ પરનાં રેડ પર્લ સ્પામાં પોલીસે રેડ કરી મહિલાને મુક્ત કરાવી
• સ્પા સંચાલક કમલેશ ચૌધરીને વોન્ટેડ જાહેર કરી કાર્યવાહી હાથ ધરી

થોડા સમય અગાઉ પોલીસ દ્વારા સમગ્ર રાજ્યમાં સ્પા સેન્ટરો પર દરોડા પાડી સ્પા સંચાલકો સામે કાર્યવાહી હાથ ધરી હતી. પરંતું તે બાદ ફરી સ્પા સેન્ટરો ધમધમતા થઈ જવા પામ્યા હતા આજે સુરતમાં સ્પાની આડમાં ચાલતા દેહ વ્યાપારનો પર્દાફાશ થવા પામ્યો છે. સુરતનાં ડુમસ રોડ પરનાં રેડ પર્લ સ્પામાં પોલીસે દરોડા પાડ્યા હતા.

પોલીસે બાતમીનાં આધારે રેડ કરી કાર્યવાહી હાથ ધરી
સુરત પોલીસે આજે ડુમસ રોડ પર આવેલ રેડ પર્લ સ્પામાં પોલીસે રેડ કરી થાઈલેન્ડની મહિલાને દેહ વ્યાપારમાંથી મુક્ત કરાઈ હતી. મહિલાઓને ગ્રાહકો પાસે મસાજ કરવાનાં બહાને દેહ વ્યાપાર કરાવાતો હોવાનું પ્રકાશમાં આવ્યું છે. ઉમરા પોલીસે બાતમીનાં આધારે દરોડા પાડી કાર્યવાહી કરી હતી. પોલીસે ગેરકાયદેસર પ્રવૃતિ કરનાર પ્રમોદ યાદવની ધરપકડ કરી હતી. સ્પા સંચાલક કમલેશ ચૌધરીને વોન્ટેડ જાહેર કરી કાર્યવાહી હાથ ધરી છે. 

Surat News: સ્પામાં કામ કરતી યુવતીએ પંદર દિવસનો પગાર માંગ્યો તો સંચાલકે પગાર આપવાનો ઇનકાર કરતા ઝઘડો થયો, સ્પા સંચાલકે યુવતી સાથે ઝપાઝપી, વીડિયો વાયરલ થતા મામલો ગરમાયો #gujaratnews #suratnews #viralvideo #vtvgujarati pic.twitter.com/u2och6mu4M

— VTV Gujarati News and Beyond (@VtvGujarati) November 23, 2023

ગત રોજ સુરતનાં સ્પા સંચાલક યુવતિને માર મારોત વીડિયો વાયરલ થયો હતો
ગત રોજ સુરતના પાલ વિસ્તારના ભાગ્યરત્ન એપાર્ટમેન્ટમાં પીપલ્સ વેલનેસ સ્પાનો એક વિડીયો હાલ સોશિયલ મીડિયામાં વાયરલ થઈ રહ્યો છે. વિગતો મુજબ સ્પામાં કામ કરતી યુવતીએ 15 દિવસનો પગાર માગ્યો હતો. જોકે પિયુષ ગાંધી નામના સંચાલકે પગાર આપવાનો ઇનકાર કરતાં ઝઘડો થયો હતો. જે બાદમાં સ્પામાં સંચાલકે યુવતી સાથે ઝપાઝપી કરી મારામારી કરતાં વિવાદ થયો છે. આ તરફ હવે સમગ્ર મામલે પાલ પોલીસ સ્ટેશનમાં ફરિયાદ થતાં તપાસ શરૂ થઈ છે.