અમદાવાદમાં સિંધુભવન રોડ પર સ્પામાં કામ કરતી મહિલાને માર મારવાનો કેસમાં પોલીસે મોહસીનની ધરપકડ કરી કાયદેસરની કાર્યવાહી હાથ ધરી હતી. પરંતું હવે એક પછી એક ખુલાસા થઈ રહ્યા છે. ત્યારે અમદાવાદમાં મોટા ભાગનાં સ્પા સેન્ટરોમાં પોલીસ સંકળાયેલી હોવાનું સુત્રો દ્વારા જાણવા મળી રહ્યું છે.
Share
અમદાવાદમાં સિંધુભવન પર સ્પામાં મહિલાને માર મારવાનો કેસ
શહેરના મોટા ભાગના સ્પામાં પોલીસ સંકળાયેલી હોવાની શંકા
અમદાવાદનાં મોટા ભાગનાં સ્પા સેન્ટરમાં પોલીસની શંકાસ્પદ ભૂમિકા
અમદાવાદનાં સિંધુભવન પર સ્પામાં મહિલાને માર મારવા કેસ મામલે પોલીસ દ્વારા ગત રોજ સ્પા સંચાલક મોહસીનની ધરપકડ કરી હતી. ત્યારે સૂત્રો દ્વારા જાણવા મળતી માહિતી મુજબ શહેરનાં મોટા ભાગનાં સ્પામાં પોલીસ સંકળાયેલી હોવાનો આરોપ છે. અમદાવાદમાં ચાલતા સ્પા સેન્ટરનો વહીવટ પોલીસકર્મી કરતો હોવાનું લોક મુખે ચર્ચાઈ રહ્યું છે. જેમાં સ્પાની મંજૂરી અને વ્યવસ્થાપનમાં કોન્સ્ટેબલની ભૂમિકા હાલ ચર્ચામાં છે. તેમજ દર મહિને લાખોનો વહીવટ પણ કોન્સ્ટેબલ દ્વારા કરાતો હોવાની ચર્ચાએ હાલ પોલીસ બેડામાં જોર પકડ્યું છે.
મોટાભાગના સ્પા સેન્ટરમાં પોલીસની શંકાસ્પદ ભૂમિકા
અમદાવાદમાં લગભગ ચાર હજારથી વધુ સ્પા ધમધમે છે. તેમજ છેલ્લા કેટલાય સમયથી આ પોલીસ કર્મી એક જ જગ્યાએ ફરજ બજાવતો હોવાનું પણ સૂત્રો દ્વારા જાણવા મળી રહ્યું છે. ત્યારે સ્પામાં આવતા પૈસાદાર લોકોનો તોડ પણ થતો હોવાની વાતે હવે જોર પકડ્યું છે. પણ સમાજમાં આબરૂ જવાની બીકે લોકો ફરિયાદ કરવાનું ટાળી રહ્યા છે. અમદાવાદ શહેરમાં આવેલ મોટા ભાગનાં સ્પા સેન્ટરમાં પોલીસની ભૂમિકા શંકાસ્પદ છે.
આરોપીએ સ્પામાં ભાગીદાર યુવતીને માર માર્યાના CCTV સામે આવ્યા હતા
આ મામલે ACPએ જણાવ્યું હતું યુવતીને માર મારવા પ્રકરણમાં અમે તપાસ કરી આરોપી સામે ગુનો દાખલ કર્યો હતો. બાદમાં હ્યુમન ઈન્ટેલિજન્સ અને સર્વેલન્સના આધારે ફરિયાદી આરોપીને મળવા જવાના છે તેવી માહીતી મળી હતી. આથી આરોપીને ટ્રેસ કરીને પકડી લેવામાં આવ્યો છે. એસીપીએ કહ્યું કે અગાઉ ફરિયાદી ફરિયાદ કરવા તૈયાર ન હતી. જોકે અમેં સફળ કાઉન્સેલિંગ કરી ફરિયાદ નોંધવા જણાવ્યું હતું.
પોલીસની બેદરકારી જણાશે તો...
પહેલા આરોપીને પકડ્યો ત્યારે પણ ફરિયાદીએ ફરિયાદ ન કરવા કહ્યુ હતુ અને બને વચ્ચે અંગત બનાવ હોવાનું રટણ રટ્યું હતુ. મહત્વનું છે કે આરોપી-ફરિયાદી બંને ધંધાકીય પાર્ટનર હતા. જેમાં ડખ્ખામાં આરોપીએ યુવતીને ધૃણાસ્પદ માર માર્યો હતો. યુવક યુવતીને વીડિયોમાં બેરહમીપૂર્વક માર મારતો હતો.જે વીડિયો બહાર આવ્યા બાદ હાલ આરોપીને દબોચી લઈ તેમની વિરુદ્ધ કલમ 354, 323, 294-ખ હેઠળ ગુનો નોંધાયો છે. તપાસમાં સામે આવ્યું કે આરોપીના થોડા દિવસ પહેલા લગ્ન થયા હતા. લગ્નને લઈને નાનુ ફંકશન રાખ્યુ હતુ મોડે સુધી રોકાયા હતા. આ બનાવ અંદરના પ્રિમાઈસિસમાં બન્યો છે. વધુમાં પોલીસની બેદરકારી જણાશે તો તેમની સામે પણ પગલા લેવાશે તેવું એસીપીએ અંતમાં કહ્યું હતું.
