કાર્યવાહી / રાજકોટમાં ધમાલ મચાવનારા અસામાજિક તત્વોને પોલીસે કર્યા સીધાદોર! આરોપીઓનું કાઢ્યું સરઘસ, દાદાગીરી હવા નીકળી

• રાજકોટના જંગલેશ્વર વિસ્તારની ઘટના
• ઘટનાના CCTV આવ્યા સામે
• આતંક મચાવનાર આરોપીઓની ધરપકડ
• પોલીસે આરોપીઓનું કાઢ્યું સરઘસ

રાજકોટ શહેરમાં ફરી એકવાર અસામાજિક તત્વોને જાણે પોલીસનો કોઈ ખૌફ જ ન રહ્યો હોય તેવી સ્થિતિનું નિર્માણ થયું છે. શહેરની શાંતિની ડહોળનારા અને પોતાની ધાક જમાવવાના પ્રયાસમાં ફરી કેટલાંક અસામાજિક તત્વો સક્રીય થતાં જોવા મળી રહ્યાં છે. રાજકોટના જંગલેશ્વર વિસ્તારની આ ઘટના છે. જ્યાં બે દિવસ પહેલાં એક દુકાનમાં અસમાજિક તત્વોએ આતંક મચાવ્યો હતો. અહીં પાનની દુકાન બંધ કરાવવા માટે કેટલા શખ્સો હથિયારો સાથે દુકાનમાં તોડફોડ કરી હતી. ત્યારે સમગ્ર ઘટનાના CCTV સામે આવ્યા બાદ ભક્તિનગર પોલીસે 9 જેટલા આરોપીઓની ધરપકડ કરી હતી. અને ત્યાર બાદ આરોપીઓનું સરકસ કાઢી ઘટના સ્થળે લઈ જવામાં આવ્યા હતા. અને ઘટનાનું રિકન્સ્ટ્રક્શન કરાવ્યું હતું.

કેટલા આરોપીઓ ગુનાહિત ઇતિહાસ ધરાવે છે

રાજકોટમાં છેલ્લા ઘણા સમયથી અસમાજિક તત્વો બેફામ બન્યા છે. આ શખ્સો તલવાર, પાઇપ અને લાકડીઓ વડે પાનની દુકાન પાસે બેઠા લોકોને મારમારી દુકાન બંધ કરવી હતી. બાદમાં ભક્તિનગર પોલીસે ગુનો નોંધી કાયદેસરની કાર્યવાહી હાથ ધરી છે. આ આરોપીઓએ લોકોમાં ધાક જમામવવા માટે આ પ્રકારનું કૃત્ય કરાયાનું સામે આવ્યું છે.. આમાથી કેટલા આરોપીઓ ગુનાહિત ઇતિહાસ ધરાવે છે. ત્યારે પોલીસે હથિયારો સાથે તોડફોડ કરનાર તમામ આરોપીઓનું સરઘસ કાઢી કાયદાના પાઠ ભણાવ્યા હતા.