- પાંચમાંથી ચાર રાજ્યોમાં ભાજપની જીત
- આજે મળી સંસદીય દળની બેઠક
- પાર્ટીમાં પીએમ મોદીનું સાંસદોને સંબોધન
પાંચ રાજ્યોમાં થયેલી વિધાનસભા ચૂંટણીમાં ભારતીય નજતા પાર્ટીની શાનદાર જીત પર આજે પાર્ટીએ સંસદીય દળની બેઠક બોલાવી હતી, જેમાં પીએમ મોદીએ અને જેપી નડ્ડાને સન્માનિત કરવામાં આવ્યા હતા. બેઠકમાં પીએમ મોદીએ વંશવાદ પર ભાજપના સાંસદોને સ્પષ્ટ શબ્દોમાં ચેતવણી આપી દીધી હતી. પીએમ મોદીએ કહ્યું કે, વિધાનસભા ચૂંટણીમાં ભાજપ સાંસદોના દિકરાઓને મારા કહેવા પર ટિકિટ કાપવામાં આવી હતી અને ભાજપ સાંસદોના બાળકોને ટિકિટ ન આપવી તે પાપ છે તો હાં એ પાપ મને મંજૂર છે. અહીં ઉલ્લેખનીય છે કે, પ્રયાગરાજમાં ભાજપ સાંસદ રીતા બહુગુણા જોશીએ પોતાના દિકરા માટે લખનઉની ટિકિટની માગ કરી હતી, પણ તેમને ટિકિટ આપવામાં આવી નહોતી.
ભાજપમાં નહીં ચાલે વંશવાદ
સૂત્રોના જણાવ્યા અનુસાર પીએમ મોદીએ બેઠકમાં કહ્યું કે, જો પાર્ટીના કોઈ નેતાની ટિકિટ કપાઈ છે, તો તે મારી જવાબદારી છે. તેમણે સંસદીય દળની બેઠકમાં યુક્રેનમાં ફસાયેલા ભારતીય વિદ્યાર્થીઓને કાઢવા માટે ઓપરેશન ગંગા વિશે પણ જાણકારી આપી હતી. પીએમ મોદીએ પોતાના ભાષણમાં સ્પષ્ટ કર્યું છે કે, પાર્ટીમાં વંશવાદને પ્રોત્સાહન આપવામાં આવશે નહીં. તેમણે સાંસદોને કહ્યું છે કે, ભાજપમાં પરિવારવાદની રાજનીતિ ચલાવી લેવામાં આવશે નહીં. અમે વંશવાદની રાજનીતિની વિરુદ્ધમાં છીએ.
રીતા બહુગુણાના દિકરાને ન મળી ટિકિટ
યુપી વિધાનસભા ચૂંટણી 2022માં ટિકિટ વહેંચણી સમયે ભાજપ સાંસદ રીતા બહુગુણા જોશીએ કેંટ સીટથી દિકરા મયંક જોશીને ટિકિટ અપાવાના ખૂબ પ્રયત્નો કર્યો હતા. ત્યાં સુધી કે, તેમણે કહ્યું હતું કે, જો મારા દિકરાને ટિકિટ નહીં મળે, તો હું સાંસદ પદ છોડી દઈશ. જો કે, ભારતીય જનતા પાર્ટીએ તેમ છતાં પણ ટિકિટ આપી નહોતી. ઉપરાંત ઉત્તરાખંડમાં પૂર્વ ભાજપ નેતા હરક સિંહ રાવત પણ પોતાની વહુ સહિત બે ટિકિટ માગી રહ્યા હતા, પણ પાર્ટીએ તેમના પરિવારમાંથી કોઈને ટિકિટ આપી નહીં. બાદમાં હરક સિંહ પાર્ટી છોડીને કોંગ્રેસમાં જતાં રહ્યા હતા.
