નરેન્દ્ર મોદીએ શનિવારે બેંગલુરુમાં એક વિશાળ રોડ શો કર્યો હતો જે દરમિયાન મોદી એ કેસરી ટોપી પહેરી હતી અને એમની એક ઝલક મેળવવા માટે મોટી સંખ્યામાં લોકો એકઠા થયા હતા
Share
નરેન્દ્ર મોદીએ બેંગલુરુમાં એક વિશાળ રોડ શો કર્યો હતો
રોડ શો દરમિયાન મોદી એ કેસરી ટોપી પહેરી હતી
મોદીની એક ઝલક મેળવવા માટે મોટી સંખ્યામાં લોકો એકઠા થયા
પ્રધાનમંત્રી નરેન્દ્ર મોદીએ શનિવારે કર્ણાટકના ઉત્તર બેંગલુરુ ક્ષેત્રમાં એક વિશાળ રોડ શો કર્યો હતો, જ્યાં ભારે ભીડ જોવા મળી હતી. જણાવી દઈએ કે નરેન્દ્ર મોદી રાજ્યમાં તેમની ત્રીજી જનસભાને સંબોધિત કર્યા બાદ સાંજે લગભગ 5 વાગ્યે બેલાગવી જિલ્લાના કુડાચીથી અહીં પહોંચ્યા હતા જ્યાં તેઓ ખાસ ડિઝાઇન કરેલા વાહનમાં સવારી કરીને રોડ શોમાં ભાગ લીધો હતો.
એ રોડ શો દરમિયાન મોદી એ કેસરી ટોપી પહેરી હતી અને એમની સાથે બેંગલુરુ ઉત્તરના સાંસદ ડી.વી. સદાનંદ ગૌડા અને ભાજપના વિધાન પરિષદના સભ્ય સી. નારાયણસ્વામી પણ હાજર હતા. પ્રધાનમંત્રી નરેન્દ્ર મોદીની એક ઝલક મેળવવા માટે મોટી સંખ્યામાં લોકો રસ્તાની બંને બાજુએ એકઠા થયા હતા અને તેમના પર ફૂલોની વર્ષા કરી હતી.
Thank you Bengaluru! I’m happy to see several first time voters coming to bless us. pic.twitter.com/ix1DW0R1oK
આ સાથે જ રોડ શોમાં ભવ્ય નજારો જોવા મળ્યો હતો અને રસ્તાઓ પર ભાજપના ધ્વજ અને પોસ્ટરો જોવા મળ્યા હતા. આ સાથે જ મુખ્ય આકર્ષણ એ હ્યુ કે રોડ શોના માર્ગ પર કલાકારોના જૂથે લોકપ્રિય નૃત્ય 'ડોલુ કુનીતા' રજૂ કર્યું હતું. જણાવી દઈએ કે આ રોડ શો અંદાજે 5.3 કિલોમીટર લાંબો હતો જે ઉત્તર બેંગલુરુમાં મગડી રોડ, નાઇસ રોડ જંકશનથી સુમનહલ્લી સહિત વિવિધ સ્થળોએથી પસાર થયો હતો.
મહત્વનું છે કે રોડ શોના કારણે ટ્રાફિક જામ જોવા મળ્યો હતો અને પોલીસે લોકોને ટ્રાફિક એડવાઈઝરી જારી કરીને એ રસ્તાનો ઉપયોગ કરવાનું ટાળવા જણાવ્યું હતું જ્યાં રોડ શો હતો. આ સાથે જ રોડ શોના માર્ગ પર ચુસ્ત સુરક્ષા વ્યવસ્થા ગોઠવવામાં આવી હતી.
Karnataka, undoubtedly, is all set to reinstate the BJP with an absolute majority this time!
નોંધનીય છે કે PM મોદી દિલ્હી પાછા જતા પહેલા રવિવારે મૈસુરમાં રોડ શો પણ કરશે. કર્ણાટકની તમામ 224 વિધાનસભા બેઠકો માટે 10 મેના રોજ મતદાન થશે અને મતગણતરી 13 મેના રોજ થશે.
