દેશ / હવે ખાતરની થેલી પર છપાશે PM મોદીની તસવીર: ખેડૂતોને આ ખાસ અપીલ કરશે કેન્દ્ર સરકાર, નવી ડિઝાઇન તૈયાર

• કેન્દ્ર સરકારે ખાતરોની થેલી પરની ડિઝાઈનને લઈને કર્યો નિર્ણય
• નવી ડિઝાઈનમાં PM મોદીનો ફોટો અને સંદેશો ફરજિયાત
• વહેલીતકે નવી ડિઝાઈનવાળી થેલીમાં જ ખાતર વેંચવાના આદેશ

કેન્દ્ર સરકાર ફર્ટિલાઈઝર બેગ્સ એટલે કે રસાયણિક ખાતરની થેલીઓ પર PM મોદીનો સંદેશો છાપશે જેમાં PM મોદી ખેડૂતોને ઓછામાં ઓછું રસાયણિક ખાતર વાપરવા અને તેનું યોગ્ય સંતુલન જાળવવાની અપીલ કરશે.

લેટર લખીને આપવામાં આવ્યો આદેશ
ડિપાર્ટમેન્ટ ઓફ ફર્ટિલાઈઝરે શુક્રવારે તમામ ખાતર બનાવતી કંપનીઓનાં અધિકારીઓને લેટર લખીને કહ્યું કે ફર્ટિલાઈઝર બેગ્સ પર PM નરેન્દ્ર મોદીનો સંદેશો છાપવાનો નિર્ણય લેવામાં આવ્યો છે. એટલું જ નહીં કંપનીઓને બેગની નવી ડિઝાઈન પણ મોકલવામાં આવી છે. જેમાં PM મોદીનો ફોટો પણ છે.

PM મોદીનાં ફોટોની સાથે સંદેશો
નવી બેગ પર PM મોદીનો ફોટો હશે અને તેની નીચે તેમનો સંદેશો પણ છાપવામાં આવશે. આ સંદેશામાં લખેલું હશે કે હું ખેડૂતોને અપીલ કરું છું કે તેઓ કેમિકલ ફર્ટિલાઈઝરનો ઓછો અને સંતુલિત ઉપયોગ કરીને ધરતી માંને બચાવવા માટે પગલું ભરે. કંપનીઓને વહેલીતકે નવી બેગ્સમાં જ ફર્ટિલાઈઝરને ડેલીવર કરવાનું કહેવામાં આવ્યું છે.

વન નેશન, વન ફર્ટિલાઈઝર્સની યોજના લાગૂ 
ગતવર્ષે ઓગસ્ટમાં કેન્દ્ર સરકારે ' વન નેશન, વન ફર્ટિલાઈઝર'ની યોજના લાગૂ કરવાનો નિર્ણય કર્યો હતો. આ અંતર્ગત તમામ ફર્ટિલાઈઝર ભારતીય બ્રાંડ તરીકે વેંચાઈ રહી છે. તેની નીચે પ્રધાનમંત્રી ભારતીય માસ ફર્ટિલાઈઝર પ્રોજેક્ટનો લોગો પણ હોય છે. સમગ્ર દેશમાં હવે તમામ ફર્ટિલાઈઝર એકસમાન પેકિંગમાં વેંચાઈ રહ્યાં છે.