અમદાવાદ / ઉમિયાધામ શિલાન્યાસ મહોત્સવમાં PM મોદી વીડિયો કોન્ફરન્સના માધ્યમથી આપશે હાજરી

• અમદાવાદમાં ઉમિયાધામનો શિલાન્યાસ મહોત્સવ
• PM મોદી વીડિયો કોન્ફરન્સના માધ્યમથી જોડાશે
• કેન્દ્રીય ગૃહમંત્રી અમિત શાહ પણ આપશે હાજરી

અમદાવાદના સોલા ખાતે ઉમિયાધામનું  એક સુંદર સંકુલ આકાર લેવા જઇ રહ્યું છે. ઉમિયાધામ ખાતે તૈયારીઓ પુરજોશમાં ચાલી રહી છે.ઉમિયાધામને નાગરશૈલીની થીમ ઉપર બનાવવામાં આવશે ત્યારે મંદિરના નિર્માણ પહેલા શિલાન્યાસ વિધિ કરવામાં આવનાર છે ત્યારે આવતીકાલે 11 વાગ્યે શિલાન્યાસ વિધિનો પ્રારંભ થશે. 

PM મોદી વીડિયો કોન્ફરન્સના માધ્યમથી જોડાશે

આ વિધિમાં કેન્દ્રીય ગૃહમંત્રી અમિત શાહ, ગુજરાતના રાજ્યપાલ આચાર્ય દેવવ્રત અને મુખ્યમંત્રી ભૂપેન્દ્ર પટેલ ઉપસ્થિત રહેશે. મહત્વનું છે કે આ પ્રસંગે  PM મોદી વિડિયો કોન્ફરન્સના માધ્યમથી જોડાશે. 1500 કરોડના ખર્ચે ઉમિયાધામ સાકાર થનાર છે ત્યારે 51 કરોડ મંત્રોચ્ચાર સાથે સવારે 9 વાગ્યે પોથી યાત્રા યોજાશે. સોલા ખાતે બની રહેલા ઉમિયાધામમાં શિક્ષણ, આરોગ્ય અને ધર્મ સંકુલ બનશે. 

કેન્દ્રીય ગૃહમંત્રી અમિત શાહ પણ આપશે હાજરી

અમદાવાદના સોલા ખાતે 11,12,13 ડિસેમ્બરે ઉમિયાધામ મંદિરનો શિલાન્યાસ યોજાનારે છે જેમાં 11 ડિસેમ્બરે કેન્દ્રીય ગૃહમંત્રી અમિત શાહ, મુખ્યમંત્રી ભૂપેન્દ્ર પટેલ હાજર રહેશે. વિશ્વ પાટીદાર સમાજના આસ્થાના કેન્દ્ર સમાન ઉમિયાધામ મંદિર અમદાવાદના સોલામાં આકાર લઇ રહ્યું છે. ત્રિદિવસીય શિલાન્યાસ મહોત્સવનો શુભારંભ 11મી ડિસેમ્બરથી કેન્દ્રીય ગૃહમંત્રી અમિત શાહના હસ્તે થશે. 12મી ડિસેમ્બરે ભવ્ય નવચંડી અને 13મી ડિસેમ્બરે  શિલાપૂજનનું પણ આયોજન કરવામાં આવ્યું છે.