- આજે PM મોદી કરશે શિરડી સાંઈ બાબાના દર્શન
- જાણો શિરડીના સાંઈ બાબાની ચમત્કારી ઘટનાઓ
- સાથે જાણો શિરડીનું આ મંદિર આટલું ફેમસ કેમ છે?
શિરડીના સાંઈ બાબા મંદિર વિશ્વપ્રસિદ્ધ છે. દેશ-વિદેશથી લોકો આ મંદિરમાં સાંઈ બાબાના દર્શન કરવા અને પોતાની માનતા પુરી થવાની આશા લઈને અહીં આવે છે. આજે 26 ઓક્ટોબર 2023એ પ્રધાનમંત્રી નરેન્દ્ર મોદી એક દિવસના પ્રવાસ પર મહારાષ્ટ્ર અને ગોવા જઈ રહ્યા છે.
એવામાં પીએમ મોદી બપોરે 1 વાગ્યા શિરડીના સાઈ બાબા મંદિરમાં દર્શન કરશે. મહારાષ્ટ્ર સ્થિત શિરડી તીર્થસ્થળમાં દર વર્ષે લાખોની સંખ્યામાં લોકો પહોંચે છે. આ મંદિર અને સાઈ બાબાના જીવનની સાથે જોડાયેલા અમુક ચમત્કાર ખૂબ જ ફેમસ છે.
ફોટોમાં દેખાયા ફક્ત ચરણ
સાંઈ બાબા સાથે જોડાયેલી એક ઘટના ચોંકાવનારી છે. પ્રચલિત કથાઓ અનુસાર સાંઈ બાબાની કૃપાથી લોકોની મોટામાં મોટી બિમારીઓ પણ દૂર થઈ જાય છે. તેના કારણે લોકો દૂર દૂરથી તેમના દર્શન કરવા માટે આવે છે.
આજ રીતે એક શ્રદ્ધાળુ સાંઈ બાબાના દર્શન કરવા માટે અવ્યો તો તેમણે તેમનો એક ફોટો ક્લીક કરવાનો પ્રયત્ન કર્યો. જ્યારે તે ભક્તે સાંઈ બાબાનો ફોટો ક્લિક કર્યો અને બાદમાં જ્યારે તેણે ફોટો જોયો તો તેમાં સાંઈ બાબાનો ફોટો નહીં પરંતુ ફક્ત તેમના ચરણ જ હતા.
કડવા લીંમડાના મીઠા પાન
સાઈ બાબએ પોતાના જીવનનો ઘણો સમય શિરડીમાં પસાર કર્યો છે. જ્યારે પણ તે શિરડી આવતા હતા તો વધારે સમય તે લીંમડાના ઝાડની નીચે જ બેસતા હતા. જેને હવે ગુરૂસ્થાનના નામથી ઓળખવામાં આવે છે. આ લીંમડાના ઝાડના પાનની ખાસીયત એ છે કે તે કડવા નહીં પરંતુ મીઠા છે.
જો તમે ક્યારેય શિરડી જાઓ અને તમને આ ઝાડના પાન પડેલા મળે તો તેને ચાખીને જોજો. માનવામાં આવે છે કે જે પણ લોકોને આ લીંમડાના પાન ચાખવાનો મોકો મળે છે. તે હંમેશા સ્વસ્થ્ય રહે છે અને તેમને ક્યાકેય પણ કોઈ બીમારી નથી થતી.
