કહાની / એક વાયરલ વીડિયોએ કેવી રીતે જીતાડી ઉત્તરાખંડ વિધાનસભાની ચુંટણી? NDA સાંસદોની બેઠકમાં PM મોદીએ સંભળાવ્યો રોચક કિસ્સો

• PM મોદીએ 45 NDA સંસદોની સાથે કરી હતી બેઠક
• મીટિંગ દરમિયાન ઉત્તરાખંડ ઈલેક્શનની કરી વાત
• કહ્યું એક વૃદ્ધ મહિલાનાં વાયરલ વીડિયોએ જીતાડી ચૂંટણી

PM નરેન્દ્ર મોદીએ સોમવારે સાંજે રાષ્ટ્રીય રાજધાની દિલ્હીમાં પશ્ચિમી યૂપી, બૃજ અને કાનપુર બુંદેલખંડ ક્ષેત્રનાં 45 NDA સંસદોની સાથે બેઠક કરી. અહીં PM મોદીએ તમામ સાંસદોને જનતાની વચ્ચે વધુને વધુ સંવાદ કરવા માટે કહ્યું. આ દરમિયાન PM એ ઉત્તરાખંડ વિધાનસભા ચૂંટણી દરમિયાન સોશિયલ મીડિયા પર વાયરલ એક વૃદ્ધ મહિલાનાં વીડિયોનો પણ ઉલ્લેખ કર્યો.

વીડિયોએ જીતાડી ચૂંટણી-PM
આ વીડિયોમાં મહિલા કહી રહી હતી કે, 'મારો દીકરો મારું ધ્યાન નથી રાખતો, પરંતુ દિલ્હીમાં મારો એક દીકરો છે જે મારું ધ્યાન રાખે છે.' PM મોદીએ કહ્યું કે,' આ એક વીડિયોએ ઉત્તરાખંડ વિધાનસભા ચૂંટણી જીતવામાં ઘણી મોટી ભૂમિકા ભજવી છે.'

સોશિયલ મીડિયાને લઈને કરી વાતચીત
માહિતી અનુસાર PMએ સાંસદોને કહ્યું કે,' ટ્વિટર અને અન્ય સોશિયલ મીડિયાનાં પ્લેટફોર્મ પર પોતાના અને કેન્દ્ર-રાજ્ય સરકારનાં કામોનો વધુને વધુ પ્રચાર કરવું.' PMએ તેમને ઉદાહરણ આપતાં કહ્યું કે 'નાની-નાની ઘટનાઓ મોટો બદલાવ લાવી શકે છે. ' આ વાતચીત દરમિયાન PM મોદીએ વૃદ્ધ મહિલાનાં વીડિયોનો ઉલ્લેખ કર્યો હતો.

Prime Minister @narendramodi holds meeting with NDA MPs from Western #UttarPradesh, Bundelkhand and Brij region to discuss 2024 #LokSabha elections.

File Photo pic.twitter.com/xzu8l4AHV4

— All India Radio News (@airnewsalerts) August 1, 2023

'રામમંદિર નિર્માણ સિવાય પણ ઘણાં કામ'
PM મોદીએ કહ્યું કે આ ક્ષેત્રમાં NDAનો કોઈ સાંસદ નથી પરંતુ આપણે NDA સરકારનાં કાર્યક્રમોનાં વિશે જનતાને જણાવવું. આ સાથે જ તેમણે કહ્યું કે, ' રામમંદિર સિવાય પણ ઘણાં કામ છે જેને જનતાની સમક્ષ લઈ આવવું જોઈએ.'