અનોખી પહેલ / મહેરબાની કરીને કોઇએ દારૂ પીને ન આવવું નહીં તો....: રાજકોટના કોળી પરિવારની લગ્ન કંકોત્રી ભારે ચર્ચામાં

• રાજકોટમાં લગ્નની એક કંકોત્રી ભારે ચર્ચામાં
• હડાળા ગામે કોળી પરિવારની લગ્ન કંકોત્રી થઈ વાયરલ
• મહેરબાની કરી કોઈએ દારૂ પી ને આવવું નહીં તેવો કંકોંત્રીમાં ઉલ્લેખ

 રાજકોટમાં લગ્નની એક કંકોત્રી હાલ ભારે ચર્ચામાં છે. હડાળા ગામે રહેતા કોળી પરિવારની લગ્ન કંકોત્રી વાયરલ થઈ છે.  હડાળા ગામના મનુસખભાઈ સીતાપરા દ્વારા અનોખી પહેલ કરવામાં આવી છે.  તેઓની પુત્રીના આવતીકાલે લગ્ન પ્રસંગ હોઈ આ કંકોત્રીએ સમગ્ર ગુજરાતભરમાં સૌનું ધ્યાન ખેંચ્યું છે.  મનસુખભાઈએ કંકોત્રીમાં લગ્ન પ્રસંગમાં મહેરબાની કરીને કોઈએ દારૂ પી ને આવવું નહી તેવો કંકોત્રીમાં ઉલ્લેખ કર્યો છે. આ કંકોત્રી સોશિયલ મીડિયામાં વાયરલ થતા લોકોની કોમેન્ટસ પણ ખૂબ મોટા પ્રમાણમાં આવી રહી છે. 

 

સગા-સબંધીઓ તેમજ વેવાઈ દ્વારા આ મોહિમને બિરદાવી
આ બાબતે મનસુખભાઈ સીતાપરાએ જણાવ્યું હતું કે  આવતીકાલે મારી દિકરીના લગ્ન છે. લગ્નની કંકોત્રીમાં તેઓએ કોઈએ દારૂ પી ને આવવું નહી તેવું છપાવ્યું છે. કંકોત્રીમાં આવું છપાવતા ઘરના તમામ લોકો તેમજ સગા-સબંધીઓ તેમજ વેવાઈ દ્વારા તેઓની આ મોહિમને બિરદાવી હતી. ત્યારે 2012 માં પણ તેઓએ પેમ્પલેટ છપાવ્યા હતા. જેમાં લખ્યું હતું કે દારૂ પી ને આવનાર વ્યક્તિને 501 દંડ ફટકારવામાં આવશે. તે સમયે પણ લોકોએ તેઓની આ મોહિમને બિરદાવી હતી.

રાજકોટમાં લગ્ન પ્રસંગમાં દારૂની પાર્ટી યોજાઈ હતી
ગત રોજ રાજકોટમાં યોજાયેલ લગ્ન સમારંભમાં કેટલાક અસામાજીક તત્વો દ્વારા ખુલ્લેઆમ દારૂ ની રેલમછેલ કરી હતી. જે વીડિયો સોશિયલ મીડિયામાં વાયરલ થયા બાદ પોલીસ દ્વારા તાત્કાલીક એક્શન લઈ તમામ 7 લોકોની ધરપકડ કરી હતી.