રાજકોટ / પી લે પીલે નીકળી ગયું..! રાજકોટમાં યુવકો પહેલા ટલ્લી થઈને નાચ્યા, બાદમાં પોલીસે સરભરા કરી જાહેરમાં નચાવ્યાં, જુઓ VIDEO

• રાજકોટ લગ્નમાં દારૂની રેલમછેલનો મામલો
• પોલીસે વાયરલ વીડિયોને લઇને હાથ ધરી તપાસ 
• પોલીસે 7 આરોપીની કરી ધરપકડ

રાજકોટમાં લગ્રમાં દારૂની રેલમછેલ મામલામાં પોલીસે 8 શખ્સો સામે ફરિયાદ નોંધી કાયદેસરની કાર્યવાહિ હાથ ધરી છે.  ત્યારે પોલીસ દ્વારા આરોપીઓની ધરપકડ કર્યા પોલીસ દ્વારા પણ તેઓની આગતા સ્વાગતા પણ કરવામાં આવી હતી. ત્યારે પોલીસે ધરપકડ કરેલ તમામ આરોપીઓને જાહેરમાં  લગ્નમાં કેવી રીતી દારૂની બોટલ લઈને નાચતા હતા તેવી રીતે તેઓને ફરી નચાવ્યા હતા. પોલીસે 7 આરોપીની ધરપકડ કરી છે.

કોની કોની ધરપકડ કરી
લગ્નનમાં જાહેરમાં દારૂની રેલમછેલ કરતો વીડિયો સોશિયલ મીડિયામાં વાયરલ થતા રાજકોટ પોલીસ એક્શનમાં આવી ગઈ હતી. ત્યારે પોલીસે હિરેન પરમાર, પ્રતિક પરમાર, ધવલ મારુ, મયુર ભરવાડ, ધર્મેશ  અજય સહિત અનેક શખ્સની ધરપકડ કરવામાં આવી છે. જ્યારે નિતીન ખંડેખા નામના શખ્સની તપાસ હાથ ધરી છે.  

સોશિયલ મીડિયા પર વીડિયો વાયરલ થયા બાદ પોલીસ એક્શનમાં આવી
રાજકોટમાં લગ્ન પ્રસંગમાં દારૂની રેલમછેલનો વીડિયો સોશિયલ મીડિયામાં વાયરલ થયો હતો. જે બાદ પોલીસ પોલીસ તાત્કાલીક એક્શન મોડમાં આવી ગઈ હતી.  ત્યારે વાયરલ થયેલ વીડિયોમાં જાનૈયાઓ દારૂની બોટલ સાથે ઝુમતા નજરે પડી રહ્યા છે. એટલું જ નહી વીડિયોમાં વરરાજાને બંદૂક પણ આપવામાં આવી હતો. વીડિયોમાં દેખાતો વ્યક્તિ ગુનાહિત કૃત્યોમાં સંડોવાયેલો શખ્શ હોવાની ચર્ચાએ પણ જોર પકડ્યું છે.  ત્યારે તાજેતરમાં જ ભાઈનાં લગ્ન હોઈ શખ્શ પેરોલ પર છુટ્યો હોવાની ચર્ચા છે. ત્યારે Vtv  આ વીડિયોની પુષ્ટિ કરતું નથી.