ઓડિશા / રાષ્ટ્રપતિ મુર્મૂના હેલિકોપ્ટર સાથે ફોટો પડાવવો આ ફાર્માસિસ્ટને પડ્યું મોંઘું, નોકરીમાંથી સસ્પેન્ડ!

• મયુરભંજમા રાષ્ટ્રપતિ દ્રોપદી મુર્મુની મુલાકાત
• ફાર્માસિસ્ટને રાષ્ટ્રપતિના હેલિકોપ્ટર સાથે ફોટો પડાવવો મોંઘો પડ્યો
• મુખ્ય જિલ્લા તબીબી અધિકારીએ કાર્ય સસ્પેન્ડ

ઓડીસાના બારીપાડામાં રાષ્ટ્રપતિ દ્રોપદી મુર્મુના  કાર્યક્રમ દરમિયાન થયેલ વીજ વિક્ષેપનો મામલો હજુ ગાજી રહ્યો છે. આવી સ્થિતિ વચ્ચે મયુરભંજના એક ફાર્માસિસ્ટને રાષ્ટ્રપતિના હેલિકોપ્ટર સાથે ફોટો પડાવવો મોંઘો પડ્યો છે. મયુરભંજના મુખ્ય જિલ્લા તબીબી અધિકારી ડોક્ટર રૂપભાનું મિશ્રાએ ફાર્માસિસ્ટ જસોબંત બેહરાને રાષ્ટ્રપતિના હેલિકોપ્ટર સાથે ફોટો લઈ અને facebook માં વાયરલ કરવા બદલ સસ્પેન્ડ કરી દીધા છે.

કર્મચારીઓની મૌખિક પરવાનગી લીધાનો દાવો

પાંચ મેના રોજ રાષ્ટ્રપતિની મુલાકાતને પગલે સીમિલીપાલ નેશનલ પાર્ક ખાતે મેડિકલ ટીમને તૈનાત કરવામાં આવી હતી. આ દરમિયાન જસોબંત બેહરાને સહિતના કર્મચારીઓ તેમાં જોડાયા હતા. જેમાં યાદગારી માટે રાષ્ટ્રપતિના હેલિકોપ્ટર સાથે તસવીર ખેંચ્યા બાદ વાઇરલ કરી હતી. આ દરમિયાન હેલિકોપ્ટરની સુરક્ષામાં રોકાયેલા એરફોર્સના કર્મચારીઓની મૌખિક પરવાનગી લીધા બાદ જ તસ્વીર લીધી હોવાનો દાવો પણ કરવામાં આવી રહ્યો છે. 

આ રહ્યું કારણ

જેનું ખાસ કારણ એ હતું કે રાષ્ટ્રપતિ જેવા મહાન વ્યક્તિ મુલાકાતે આવ્યા હોય અને હું આ દરમિયાન ફરજ પર હતો જેથી સ્મૃતિરૂપે રાખવા તસવીર પડાવી હતી. આ ઉપરાંત કોઈ બીજો ઈરાદો ન હોવાનું તેઓએ જણાવ્યું હતું.જસોબંત બેહરાનેએ એવું પણ જણાવ્યું છે કે પોતે વિવાદ બાદ આ તસ્વીર પોતાના facebook એકાઉન્ટમાંથી હટાવી દીધી છે. હેલિકોપ્ટર નજીકથી મોબાઈલ વડે લેવામાં આવી હતી. પરંતુ હાલ તેને નોકરીથી હાથ ધોઈ બેસવાનો વારો આવ્યો છે.