સુરત / ધ કેરલા સ્ટોરી'' ફિલ્મ જોવા જનારે નહી ખર્ચવું પડે રીક્ષા ભાડુ, યુવાધન ફિલ્મમાંથી કંઈક શીખે તે માટે અનોખી સેવા

• રિક્ષા ચાલક યુવાનની અનોખી સેવા
• લોકોને ફિલ્મ જોવા સિનેમા સુધી ફ્રિમાં પહોચાડશે  
• સેવા માટે વિજય ભરવાડે 2 રિક્ષાઓ મૂકી 

સુરતમાં રિક્ષા ચાલક યુવાનની અનોખી સેવા શરૂ કરી છે. જેમાં ચલથાણનાં વિજય ભરવાડ દ્વારા અનોખી સેવા શરૂ કરી છે. જેમાં ''ધ કેરલા સ્ટોરી'' ફિલ્મ જોવા જનારાને નિશુલ્ક સેવા આપવાનું રિક્ષા ચાલક યુવાન દ્વારા નક્કી કરાયું છે. લોકોને ફિલ્મ જોવા સિનેમાં સુધી ફ્રીમાં પહોંચાડશે. સુરતનાં કોઈપણ સિનેમામાં મુવૂ જોનારાને થીયેટર સુધી ફ્રીમાં પહોંચાડવામાં આવશે. ત્યારે વિજય ભરવાડે નિઃ શુલ્ક સેવા માટે 2 રિક્ષાઓ પણ મુકી છે.

સિનેમામાં મૂવી જોનારાને થિયેટર સુધી ફ્રીમાં પહોંચાડશે
''ધ કેરલા સ્ટોરી'' ફિલ્મ કાશ્મીર ફાઈલ્સની જેમ ફરી એક વખત ચર્ચામાં છે. કાશ્મીર ફાઈલ્સ ફિલ્મને જોવા જનાર માટે ઘણી જાહેરાત કરવામાં આવી હતી. ત્યારે હવે ધ કેરાલા સ્ટોરીને લઈને ઘણી સેવાઓ લોકોએ શરૂ કરી છે. જેમાં સુરત નજીક ચલથાણ ગામમાં રહેતા યુવક દ્વારા એવી જાહેરાત કરવામાં આવી છે કે જે પરિવાર આ ફિલ્મ જોવા થિયેટરમાં જશે. તેમની પાસેથી કોઈ ભાડું વસુલ કરવામાં આવશે નહી.  તેમજ મુવી જોવા જતી વખતે ફ્રી માં રિક્ષામાં તેઓને થિયેટર સુધી પહોંચાડવામાં આવશે. 

અમુક રાજ્યમાં લવ જેહાદના કિસ્સા સામે આવી રહ્યા છે જે ચિંતાજનક છેઃ વિજય ભરવાડ
આ બાબતે વિજય ભરવાડે જણાવ્યું હતું કે, જ્યારે આવી સારી ફિલ્મ બનતી હોય. ત્યારે આજનાં યુવાનોને સંદેશ મળે. તેમજ અમુક રાજ્યમાં લવ જેહાદનાં કિસ્સા પણ સામે આવે છે. જે ખૂબ જ ચિંતાજનક છે. અને આ ફિલ્મમાં એક જ ધર્મનાં લોકોનું આ ષડયંત્ર છે. જેને આ ફિલ્મમાં દેખાડવામાં આવ્યું છે. જેથી અમે મિત્રોએ ભેગા મળી  ધ કેરલા સ્ટોરી ફિલ્મ જોવા માટે જનાર પરિવારને અમે થિયેટર સુધી નિઃશુલ્ક પહોંચાડવાની વ્યવસ્થા કરવામાં આવી છે.