ગાંધીનગર / PDEU દ્વારા વિચારોનાં આદાન-પ્રદાન માટે ત્રણ દિવસીય આંતરરાષ્ટ્રીય કોન્ફેરેન્સનું ભવ્ય આયોજન કરવામાં આવ્યું

• PDEU દ્વારા ત્રિ-દિવસીય કોન્ફેરેન્સનું આયોજન
• કન્ડેન્સ્ડ મેટર એન્ડ ડિવાઈઝ ફિઝિક્સ પર કાર્યક્રમ
• વિચારોનાં આદાન-પ્રદાન માટે PDEUએ પ્લેટફોર્મ પૂરું પાડ્યું

 
પંડિત દીનદયાલ એનર્જી યુનિવર્સિટીના ભૌતિકશાસ્ત્ર વિભાગ દ્વારા 27 - 29 સપ્ટેમ્બર 2023 દરમિયાન કન્ડેન્સ્ડ મેટર એન્ડ ડિવાઇસ ફિઝિક્સ (ICCMDP) પર ત્રિ-દિવસીય આંતરરાષ્ટ્રીય કોન્ફરન્સ - 2023 ની બીજી આવૃત્તિનું આયોજન કરવામાં આવ્યું હતું. આ કોન્ફરન્સે વિચારોનાં આદાન-પ્રદાન માટે એક પ્લેટફોર્મ તરીકે સેવા આપી હતી. 

ત્રિ-દિવસીય કાર્યક્રમ
SAC-ISRO ના સ્પેસ કેમેરા/પેલોડ્સ માટે વપરાતી સામગ્રી પર જૈમિન દેસાઈ, ડેપ્યુટી ડાયરેક્ટર SAC-ISRO દ્વારા મુખ્ય વક્તવ્ય આપવામાં આવ્યું હતું. ભારત અને વૈશ્વિક સ્તરે સેમિકન્ડક્ટર સંશોધનની તકો પર માઈક્રોન ટેક્નોલોજીના પ્રદીપ વેમ્પાટી દ્વારા સંપૂર્ણ વાર્તાલાપ આપવામાં આવ્યો હતો. પ્રો. એસએસ સુંદરમનોહર, ડાયરેક્ટર જનરલ, પીડીઇયુએ તેમના સ્વપ્નદ્રષ્ટા પ્રમુખ સંબોધનથી સહભાગીઓને પ્રબુદ્ધ કર્યા. 

250 જેટલા સહભાગીઓ જોડાયા
ICCMDP -2023 માં કુલ 250 જેટલા સહભાગીઓ જોવા મળ્યા હતા જેમાંથી 45 ફેકલ્ટી સભ્યો હતા અને 160 સંશોધન વિદ્વાનો હતા. આ ત્રણ દિવસોમાં, 04 વિદેશી વક્તાઓ સાથે 18 આમંત્રિત વાર્તાલાપ, 77 મૌખિક પ્રસ્તુતિઓ, 113 પોસ્ટર પ્રસ્તુતિઓ, 4 યુવા વૈજ્ઞાનિક પ્રસ્તુતિઓ અને PDEU કેમ્પસમાં તેના પ્રકારની 45 મેગાવોટ સોલર પેનલ ફેબ્રિકેશન પ્લાન્ટની એક આકર્ષક મુલાકાત લેવામાં આવી હતી. ICCMDP – 2023 ને CSIR, GUJCOST દ્વારા નાણાકીય સહાય કરવામાં આવી હતી. શ્રેષ્ઠ પોસ્ટર અને ઓરલ એવોર્ડ એસીએસ દ્વારા પ્રાયોજિત કરવામાં આવ્યા હતા. કોન્ફરન્સ વિજેતાઓને પુરસ્કાર વિતરણ અને બધાને સલામત પ્રવાસની શુભેચ્છાઓ સાથે સમાપ્ત થઈ.