પહેલે 'આપ',પહેલે... / પરેશ ધાનાણીએ આજે એવું કર્યું કે ગુજરાત કોંગ્રેસ ચિંતામાં મૂકાઇ ગઇ, જુઓ VIDEO

• AAP નેતાઓની મુલાકાતે પરેશ ધાનાણી
• પ્રદેશ કાર્યાલયે ઉપવાસી છાવણીની મુલાકાત 
• રાજ્ય સરકારની નીતિ-રીતી પર વાક પ્રહાર  

ગુજરાત ગૌણ સેવા પસંદગી મંડળની પરીક્ષામાં થયેલા ગોટાળા અને પેપર લીક કાંડ બાદ ઉપવાસ પર બેઠેલા AAP નેતાઓની મુલાકાતે અમરેલીના ધારાસભ્ય અને પૂર્વ વિપક્ષી નેતા ઉપવાસી છાવણી પર પહોચ્યા હતા.  AAP પ્રદેશ કાર્યાલય પર  પૂર્વ વિપક્ષ નેતા  પરેશ ધાનાણીએ મુલાકાત લેતા નવી ચર્ચા જાગી છે.

AAP પ્રદેશ કાર્યાલય પર પહોચેલા વિઅપ્શ્ના પૂર્વ નેતાએ રાજ્ય સરકાર પર આકરા પ્રહાર કર્યા હતા.તેમણે કહ્યું કે, આ સરકારમાં ગૌણ સેવા પસંદગી મંડળ  ભરતી ગોટાળાનો અડ્ડો બની ગયું છે. સરકારના  વહાલા-દવલાની નીતિના કારણે લાખો રૂપિયા ખર્ચીને ભણેલા-ગણેલા યુવાનો નોકરી માટે દર-દર ભટકે છે.  યુવાઓની આશા-અપેક્ષાઓ પર પાણી ફરી વળ્યાં છે. રાજ્યમાં ધંધા રોજગાર ભાંગીને ભુક્કો થઇ ગયા છે.ફેકટરીઓ બંધ થઇ ગઈ છે. બેરોજગારી ભરડો લઇ ગઈ છે.