- ઈન્ડિયન કપડા પહેરવા બદલ ટ્રોલ થઈ પાકિસ્તાની એક્ટ્રેસ
- લોકોએ સોશિયલ મીડિયા પર કરી નાખી ટ્રોલ
- એક્ટ્રેસે બંધ કરવું પડ્યું સોશિયલ મીડિયા હેન્ડલ
પાકિસ્તાનની ફેમસ એક્ટ્રેસ ઉશના શાહ પોતાના લગ્નને લઈને ખૂબ જ ચર્ચામાં છે. તેણે હાલમાં જે ગોલ્ફ પ્લેયર હમઝા અમીન સાથે લગ્ન કર્યા છે. લગ્ન બાદ બંન્નેના ફોટો સોશિયલ મીડિયા પર ખૂબ જ ઝડપથી વાયરલ થઈ રહ્યા છે. પોતાના લગ્નમાં ઉશના દુલ્હનના આઉટફિટમાં ખૂબ જ સુંદર દેખાઈ રહી છે.
પરંતુ સોશિયલ મીડિયા પર તેના લગ્નના આઉટફીટને લઈને તેને ખૂબ જ ટ્રોલ કરવામાં આવી રહી છે. હવે ખબર સામે આવી રહી છે કે ઉશનાએ ટ્રોલર્સના કારણે પોતાનું ઈન્સ્ટાગ્રામ એકાઉન્ટ ડીએક્ટિવેટ કરી દીધુ છે.
લગ્નમાં ડાન્સ કરવાને લઈને પણ એક્ટ્રેસ થઈ ટ્રોલ
મહત્વનું છે કે સોશિયલ મીડિયા પર ઉશનાના લગ્નનો એક વીડિયો ઝડપથી વાયરલ થઈ રહ્યો છે. જેમાં તે દુલ્હા હમઝા અમીન અને અન્ય લોકો સાથે ડાન્સ કરતી જોવા મળી રહી છે. અભિનેત્રીના લગ્ન પર ઈન્ડિયન બ્રાઈડલની જેમ લાલ રંગનો લહેંગો પહેરવા પર તેને ખૂબ જ ટ્રોલ કરવામાં આવી રહી છે.
સાથે જ અમુક લોકોએ ઉશનાના પોતાના લગ્નમાં ડાન્સ કરવા પર પણ વાંધો ઉઠાવીને તેને ટ્રોલ કરી છે. જેનો એક્ટ્રેસે જડબાતોડ જવાબ પણ આપ્યો હતો. પરંતુ હવે લાગે છે કે ઉશના સતત ટ્રોલિંગના કારણે પરેશાન થઈ ગઈ છે.
સોશિયલ મીડિયાથી લીધો બ્રેક
હાલમાં જ ઉશનાએ પોતાના ઈન્સ્ટાગ્રામ સ્ટોરી પર જણાવ્યું કે તે સોશિયલ મીડિયા પરથી બ્રેક લઈ રહી છે. ઉશનાએ લખ્યું કે તેણે પોતાના લગ્નને પ્રાઈવેટ રાખવા માટે ઘણા પ્રયત્નો કર્યા.
પરંતુ જ્યારે તેના ફોટો પરવાનગી વગર ઓનલાઈન શેર કરવામાં આવ્યા તો લાલ લહેંગો પહેરવા પર તેને ધમકાવવામાં આવી. તેણે એ પણ જણાવ્યું કે તેના માનસિક સ્વાસ્થ્યના માટે તે ઈન્સ્ટાગ્રામ પરથી બ્રેક લઈ રહી છે.
લગ્ન પ્રાઈવેટ રાખવાનો ખૂબ પ્રયત્ન કર્યો પણ...: ઉશના
ઉશનાએ આગળ લખ્યું, "પોતાના લગ્નને પ્રાઈવેટ રાખવાનો ખૂબ જ પ્રયત્ન કર્યો પરંતુ મારા લગ્ન એક ડ્રોનના કારણે ટ્રોલ્સના નિશાના પર આવી ગયા. જેણે મારા લગ્નના ફોટોને વાયરલ કર્યા. તેના માટે મને હજારોની સંખ્યામાં મેસેજ આવી રહ્યા છે. મેં જે પહેર્યું હતું તેને પહેરવા માટે કૃપા મને ક્ષમા કરો. મેં તેમાંથી કોઈ પણ માટે સાઈન અપ નથી કર્યું."
હું પણ એક માણસ છું....: ઉશના
ઈન્સ્ટાગ્રામ આઈડી ડીએક્ટિવેટ કર્યા પહેલા ઉશનાએ કહ્યું, "હું વર્ષોથી ઓનલાઈન ટ્રોલિંગ પર પ્રતિક્રિયા નથી આપી રહી. પરંતુ હું પણ એક માણસ છું. એક નવા ઘરમાં એક નવી દુલ્હન છું.
ફોટોગ્રાફીથી લઈને ગેસ્ટની લિસ્ટ સુધી મે દરેક વસ્તુને ખૂબ જ પ્રાઈવેટ રાખવાનો પ્રયત્ન કર્યો છે. હું એજ શેર કરવા માંગતી હતી જેને લઈને હું કન્ફર્ટેબલ છું. પરંતુ અમુક લોકોએ મારી પ્રાઈવસીનું સન્માન ન કર્યું."
