- પાકિસ્તાની ખેલાડીઓએ હૈદરાબાદમાં લીધું ભવ્ય ડિનર
- ભારતનું ભવ્ય ડિનર ખાઈને ખુશખુશાલ થયા પાકિસ્તાની ખેલાડીઓ
- ડિનર બાદ ચાહકો સાથે સેલ્ફી પણ લીધી
વનડે વર્લ્ડ કપ રમવા ભારતમાં આવ્યં બાદ પાકિસ્તાની ક્રિકેટ ટીમે ખરેખર આનંદ માણી રહી છે. હૈદરાબાદ પહોંચ્યા બાદ પાકિસ્તાનની ટીમ તેમના ખેલાડીઓને ભારતમાં જે મહેમાનગતિ મળી છે તેના ભરપૂર વખાણ કરી રહી છે. હૈદરાબાદમાં ન્યુઝીલેન્ડ સામેની તેમની પ્રથમ વોર્મ-અપ મેચ પછી, બાબર આઝમની ટીમના ખેલાડીઓએ ભવ્ય ડિનરની મજા માણી હતી અને ચાહકો સાથે કેટલીક સેલ્ફી પણ ક્લિક કરી હતી. પાકિસ્તાન ક્રિકેટ બોર્ડના સત્તાવાર ટ્વિટર (હવે એક્સ) એકાઉન્ટે ટીમના ડિનરનો એક વીડિયો શેર કર્યો છે, જેમાં ખેલાડીઓ મસ્તી કરતા જોઇ શકાય છે.
પાક.ટીમને 50 પ્રકારની વાનગીઓ પીરસાઈ
પાકિસ્તાની ટીમ સાંજના હૈદરાબાદમાં ડિનર માટે પહોંચી હતી. સ્વાગત બાદ પાકિસ્તાન ક્રિકેટ ટીમને ડિનરમાં તેમનું મનપસંદ ભોજન પીરસવામાં આવ્યું હતું. વીડિયોમાં સ્પષ્ટપણે જોઈ શકાય છે કે ડિનર ટેબલ પર બેઠેલા તમામ પાકિસ્તાની ખેલાડીઓ હૈદરાબાદી ફ્લેવરની મજા માણી રહ્યા છે. સ્ટાફ દ્વારા પણ તેમની ખૂબ મહેમાનગતિ કરવામાં આવી. તેથી હોટેલનો તમામ સ્ટાફ ખેલાડીઓ સાથે ઊભો હતો, જેમાં શેફથી લઈને મેનેજમેન્ટ અને સર્વિસના લોકો સામેલ હતા. ડિનર ટેબલ ટીમના ખેલાડીઓએ ખૂબ જ મસ્તી કરી હતી.
પાકિસ્તાની-ન્યૂઝીલેન્ડ વચ્ચે પ્રથમ વોર્મ અપ મેચ
પાકિસ્તાને પ્રથમ બેટિંગ કરતા રાજી ગાંધી ઈન્ટરનેશનલ સ્ટેડિયમ ખાતે બોર્ડ પર 345 રનનો જંગી સ્કોર ખડક્યો હતો. પરંતુ, તેમના બોલરો લક્ષ્યનો બચાવ કરી શક્યા કારણ કે કિવિઝે 43.4 ઓવરમાં કુલ સ્કોરને વટાવી દીધો હતો. ન્યૂઝીલેન્ડ માટે રચિન રવિન્દ્રએ 97, કેન વિલિયમ્સન (54), ડેરિલ મિશેલ (59) અને માર્ક ચેપમેન (65) સૌથી વધુ રન બનાવનાર બેટ્સમેન હતા. પાકિસ્તાન માટે મોહમ્મદ રિઝવાન (103), બાબર આઝમે 80 રન અને સઉદ શકીલે (75) બેટથી શ્રેષ્ઠ પ્રદર્શન કર્યું હતું.
હોટલમાં હાજર લોકો અને હોટલ સ્ટાફે તેમની સાથે સેલ્ફી લીધી
પાકિસ્તાની ખેલાડીઓને જોઈને હોટલમાં હાજર લોકો અને હોટલ સ્ટાફે તેમની સાથે સેલ્ફી લીધી હતી. વાયરલ થઈ રહેલા વીડિયોમાં ચાહકો હરિસ રઉફ, મોહમ્મદ હરિસ અને અન્ય ખેલાડીઓ સાથે સેલ્ફી લેતા જોવા મળે છે. સમગ્ર વીડિયો દરમિયાન પાકિસ્તાની ટીમના ખેલાડીઓ ખૂબ જ મસ્તી કરતા જોવા મળ્યા હતા.
