- તમારા વજનને નિયંત્રિત કરો
- સ્વસ્થ આહારનું સેવન કરવું જોઈએ
- તમારા બ્લડ સુગર લેવલને નિયંત્રિત કરો
ફેટી લીવર એક એવી સમસ્યા છે, જેમાં વધારાનું ફેટ લિવરમાં જમા થઈ જાય છે. જે ધીમે-ધીમે લીવરનાં કામને અસર કરે છે. જો સમયસર સારવાર કરવામાં ન આવે તો તેનાથી લિવરને નુકસાન થઈ શકે છે. આ સમસ્યા દારૂનાં સેવનના કારણે અથવા મેટાબોલિક ડિસઓર્ડરનાં કારણે થાય છે. ખરાબ ખાનપાન અને વધુ વજનને કારણે પણ ફેટી લીવરની સમસ્યા થઈ શકે છે. તેનાથી બચવા માટે તમારે સક્રિય જીવનશૈલીનું પાચન કરવું પડશે. તમે તમારી જીવનશૈલીમાં આ બદલાવ કરીને ફેટી લીવરની સમસ્યાથી બચી શકો છો.
તમારા વજનને નિયંત્રિત કરો
વધુ વજન અથવા સ્થૂળતા ફેટી લીવરનાં પ્રમુખ કારણો છે. તેથી તમારે તમારા વજન પર નિયંત્રણ રાખવું જોઈએ. તમારો વજન વધુ હોય તો તેને નિયંત્રિત કરવા માટે તમે કસરત અને યોગની મદદ લઈ શકો છો. સવારે વહેલા ઊઠીને ચાલવા જવું જોઈએ.
કસરત કરો
તમારે તમારું વજન નિયંત્રિત કરવું હોય તો સવારે અને સાંજે નિયમિત રીતે કસરત કરવી જોઈએ. તેનાથી ફેટી લીવરનું જોખમ ઓછું થઈ જશે. કસરત કરવાથી શરીરની તંદુરસ્તી વધે છે અને માનસિક સ્વાસ્થ્ય પણ સારું રહે છે.
દારૂનું સેવન છોડી દો
દારૂનાં સેવનથી લિવરને નુકસાન થાય છે. તેના કારણે તમને કેટલીક ગંભીર અને ઘાતક બીમારીઓ થઈ શકે છે. આ સાથે વધુ સુગરવાળા પીણાંનું પણ સેવન ન કરવું જોઈએ. તેનાથી પણ ફેટી લીવરની સમસ્યા સર્જાઇ શકે છે.
વાંચવા જેવું: જિમમાં વર્કઆઉટ કરતાં સમયે ક્યારેય ન કરવી જોઈએ આ 5 ભૂલો, નહીંતર નહીં મળે કોઈ ફાયદો
સ્વસ્થ આહારનું સેવન કરવું જોઈએ
સ્વસ્થ આહારનું સેવન કરવામાં આવે તો તેનાથી ફેટી લીવરની સમસ્યા ઓછી થઈ જાય છે. વધુ ફેટ અને પ્રોસેસ્ડ ફૂડ ખાવાથી ફેટી લીવરનું જોખમ વધી જાય છે. તમારે લીલા શાકભાજી, ફળો અને અનાજનું સેવન કરવું જોઈએ.
તમારા બ્લડ સુગર લેવલને નિયંત્રિત કરો
ડાયાબિટીસ પણ ફેટી લીવર માટે એક જોખમી પરિબળ છે. તેથી તમારે તમારા બ્લડ સુગર લેવલને નિયંત્રિત રાખવું જોઈએ. તે માટે તમારે ફાયબરથી ભરપૂર ખોરાકનું સેવન કરવું જોઈએ.
