- વડોદરાના પાદરામાં હાર્ટ એટેકથી એક વ્યક્તિનું થયુ મૃત્યુ
- હાર્ટ એટેક આવ્યાની ઘટના CCTVમાં થઈ કેદ
- હાર્ટ એટેક આવતા વ્યક્તિ ઘટના સ્થળે ઢળી પડ્યો
- 45 વર્ષીય દીપક ચૌહાણ નામના વ્યક્તિનું થયુ મૃત્યુ
રાજ્યમાં હાર્ટ એટેકના કિસ્સાઓમાં ચિંતાજનક વધારો આવી રહ્યો છે. જેમાં પણ તરુણો અને યુવાનોના આ કાતિલ હાર્ટ એટેક હાર્ટ ફેઈલ કરી રહ્યો છે. તબીબી બાલમ પણ ચિંતામાં છે. તેવામાં વડોદરાના પાદરામાં હાર્ટ એટેકથી વધુ એક વ્યક્તિનું મૃત્યુ થયાનું સામે આવતા પરિવારજનોમાં ચિંતાનું મોજું છવાયું છે.
પાદરાના બળિયાદેવ વિસ્તારની હાર્ટ એટેકની ઘટના
વડોદરામાં હાર્ટ એટેક આવ્યાની ઘટના CCTVમાં કેદ થઈ છે. જેમાં 45 વર્ષીય દીપક ચૌહાણ હાર્ટ એટેક આવતાની સાથે જ ઘટનાસ્થળે ઢળી પડ્યો હતો. પાદરાના બળિયાદેવ વિસ્તારની હાર્ટ એટેકની ઘટનાને લઈ આજુબાજુના લોકો દોડી ગયા હતા. જ્યા યુવાનને તાત્કાલિક સારવાર અર્થે ખસેડતા ફરજ પરના તબીબે હાર્ટ એટેકને પગલે યુવાનનું મોત નીપજ્યું હોવાનું જાહેર કર્યું હતું આ ઘટનાને પગલે પરિવારજનોમાં અરેરાટી મચી ગઈ છે.
26 વર્ષીય અજય જાદવને આવ્યો હાર્ટ એટેક
બે દિવસ આગાઉ જ વડોદરાના કારેલીબાગમાં રહેતા અને વડાપાંઉની લારી ચલાવતા 26 વર્ષીય અજય જાદવ નામના યુવકને હાર્ટ એટેક આવ્યો હતો. યુવાનને રાત્રે છાતીમાં દુખાવો ઉપડ્યો હતો. જે બાદ યુવકને તાત્કાલિક સારવાર અર્થે હોસ્પિટલ ખાતે ખસેડવામાં આવ્યો હતો. જ્યાં હોસ્પિટલમાં હાજર તબીબ દ્વારા અજયને મૃત જાહેર કરવામાં આવ્યો હતો. આ અંગેની જાણ પરિવારજનોને થતાં પરિવારજનો હોસ્પિટલ ખાતે દોડી આવ્યા હતા. 26 વર્ષીય યુવકનું અકાળે અવસાન થતાં પરિવારમાં શોકનું મોજું ફરી વળ્યું હતું.
હાર્ટ એટેકથી બચવાની 5 રીત
- દરરોજ એક્સરસાઈઝ કરો અને પોતાની ફિટનેસ સારી રાખો.
- પોષક તત્વોથી ભરપૂર ડાયેટ લો અને જંક ફૂડ અવોઈડ કરો.
- સ્મોકિંગ, દારૂ સહિત કોઈ પણ પ્રકારના નશા કરવાથી બચો.
- સમય સમય પર પોતાના હાર્ટનું રેગ્યુલર ચેકઅપ જરૂર કરો.
- ડાયાબિટીસ, બીપી કે ફેફસાની મુશ્કેલી હોય તો સતર્ક રહો.
