દારૂનું દુષણ / રાજકોટમાં બે મિત્રોએ જામ છલકાવી રિલ્સ બનાવી, 'અભિ જિંદા હું તો જી લે ને દો..', 'હુકમનો એક્કો' પર કાર્યવાહી ક્યારે?

• રાજકોટમાં દારૂનો નશો કરતો વીડિયો વાયરલ
• બે યુવક દારૂ પીતા નજરે પડ્યા
• દારૂની સાથે હાથમાં બંદૂક સાથે બનાવ્યો વીડિયો

રાજકોટમાં દિવસેને દિવસે દારૂનું દુષણ વકરી રહ્ય રહ્યુ છે. જેના બોલતા પુરાવારૂપ દર બીજા દિવસે દારૂ પીવાના વીડિયો સોશિયલ મીડિયામાં સામે આવી રહ્યા છે. હજુ બે દિવસ અગાઉ જ લગ્નપ્રસંગમાં દારૂની છોળો ઉડી હોવાનું સામે આવ્યું હતું ત્યારે આજે ફરી એકવાર દારૂનો નશો કરતા એક યુવકનો વીડિયો વાયરલ થયો છે. ત્યારે પોલીસ તંત્ર પર ફરી એકવાર સવાલ ઉઠી રહ્યા છે.

મળતી પ્રાથમિક માહિતી પ્રમાણે હાલમાં રાજકોટ શહેરમાં એક વીડિયો વાયરલ થયો છે. આ વીડિયોમાં યુવક દારૂનો નશો કરી રહ્યો છે. માત્ર નશો જ નહીં પરંતુ તેની સાથે સાથે યુવકના હાથમાં બંદૂક પણ જોવા મળી રહી છે. જેનું નામ કરણ બોરિચા હોવાનું સામે આવ્યું છે. મહત્વની વાત છે કે ઈન્સ્ટાગ્રામમાં હુકમનો એક્કો નામનથી બનેલા આ ઈન્સ્ટાગ્રામના એકાઉન્ટમાં આ વીડિયો અપલોડ કરાયો છે. હાલ પોલીસે આ વીડિયોને પગલે  તપાસ હાથ ધરી છે.

વાયરલ વીડિયો મામલે પોલીસે કરી તપાસ શરૂ

 પોલીસ દ્વારા તપાસ તેજ કરવામાં આવી છે. અને આગળની કાર્યવાહી હાથ ધરી કાયદાકીય પગલા લેવા સુધી કામગીરી હાથ ધરાશે.મહત્વની વાત તો એ છે કે હુમના એક્કો નામના ઈન્સ્ટાગ્રામ આઈડીમાં એક નહીં…બે નહીં…પરંતુ અનેક વીડિયો આ જ પ્રકારના જોવા મળી રહ્યા છે. છેલ્લા કેટલાક દિવસથી અસામાજીક તત્વો દ્વારા આતંક ફેલાવવામાં આવી રહ્યો છે.  ત્યારે રોડ ઉપર બર્થડે પાર્ટીની ઉજવણી કરતા હોઈ પોલીસ દ્વારા રોકતા પોલીસ સાથે અસામાજીક તત્વો દ્વારા ઝપાઝપી કરવામાં આવી હતી. રાજકોટમાં દિન પ્રતિદિન અસામાજીક તત્વોનાં ત્રાસને કારણે રાહદારીઓને મુશ્કેલીનો સામનો કરવાનો વારો આવ્યો છે.