શરમજનક / VIDEO : યુપીના સરપંચનો અમનાવીય ચહેરો, ઘેર બોલાવીને યુવાનને ફટકાર્યો, વાયરલ વીડિયો બાદ જેલભેગો

• યુપીના મુઝફ્ફરનગરમાં સરપંચ શૈતાન બન્યાં 
• દલિત યુવાનની ચંપલથી કરી પીટાઈ
• વીડિયો વાયરલ થયા બાદ પોલીસે કરી ધરપકડ

યુપીના મુઝફ્ફરનગરમાં એક અમાનવીય ચહેરો સામે આવ્યો છે. મુઝફ્ફરનગરમાં એક સરપંચે પોતાના ઘરમાં બોલાવીને દલિત યુવાનની ચંપલથી પીટાઈ કરી હતી. આ ઘટનાનો એક વીડિયો પણ વાયરલ થયો હતો જેને આધારે પોલીસ સરપંચ સહિતના બીજા કેટલાક આરોપીઓની ધરપકડ કરી છે. એટલું જ નહીં પરંતુ દલિત યુવાનને જાનથી મારી નાખવાની પણ ધમકી આપી હતી. 

વીડિયો ઈન્ટરનેટ પર વાયરલ થયો 
ઉત્તર પ્રદેશના મુઝફ્ફરનગરમાં આ ઘટનાનો વીડિયો ઈન્ટરનેટ પર વાયરલ થયા બાદ દલિત યુવકને ચપ્પલથી માર મારવાના આરોપમાં બે લોકો પર કેસ નોંધવામાં આવ્યો હતો, એમ પોલીસે શનિવારે જણાવ્યું હતું. પોલીસના જણાવ્યા અનુસાર, દલિત વ્યક્તિ દિનેશ કુમાર (27)ને તાજપુરના ગામના સરપંચ શક્તિ મોહન ગુર્જર અને રીટા નાગલા ગામના પૂર્વ ગામના વડા ગજે સિંહે ચપ્પલથી માર માર્યો હતો, જેમણે તેને જાનથી મારી નાખવાની ધમકી પણ આપી હતી.

In UP's Muzaffarnagar, a village head and his people thrashed a SC youth with slippers in public and threatened him with death while abusing caste slurs.

They also recorded the incident and made it viral to humiliate the SC people.
pic.twitter.com/MeiPTfo9KF

— Mission Ambedkar (@MissionAmbedkar) August 20, 2022

પોલીસે એસસી /એસટી કાયદા હેઠળ કેસ દાખલ કર્યો 
પોલીસ અધિક્ષક (શહેર) અર્પિત વિજયવર્ગીયએ પત્રકારોને જણાવ્યું હતું કે બંને વ્યક્તિઓ સામે ભારતીય દંડ સંહિતા (આઈપીસી) અને એસસી /એસટી અત્યાચાર નિવારણ અધિનિયમ હેઠળ કેસ નોંધવામાં આવ્યો છે. ગામના વડા શક્તિ મોહનની પોલીસે ધરપકડ કરી લીધી છે અને બીજા આરોપીની શોધખોળ ચાલી રહી છે, એમ તેમણે જણાવ્યું હતું.

ઘટનાનો ભારે વિરોધ 
આ ઘટનાના વિરોધમાં દલિત સમાજના સભ્યો સાથે ભીમ આર્મીના કાર્યકરોએ છપર પોલીસ સ્ટેશનની બહાર ધરણાં કર્યા હતા અને આરોપીઓ સામે કડક કાર્યવાહી કરવાની માગણી કરી હતી.